شانِ مُصطَفىٰ صَلَّى اللهُ عَلَيْهِ وَاٰلِهٖ وَسَلَّم

      خوږو او مُحترمو اسلامي ورونړو! زمونږ د آقا ، مَکِّـي مَدَني مُصطَفىٰ صَلَّى اللهُ عَلَيْهِ وَاٰلِهٖ وَسَلَّم مقام او مرتبه د ټولو نبيانو نه اوچته ده ، د هغوئي صَلَّى اللهُ عَلَيْهِ وَاٰلِهٖ وَسَلَّم د شان به څه وائې! د خوږ نبي مُحَمَّدِ عَـرَبِـي صَلَّى اللهُ عَلَيْهِ وَاٰلِهٖ وَسَلَّم شان دا دے چې  هغوئي صَلَّى اللهُ عَلَيْهِ وَاٰلِهٖ وَسَلَّم هغه وخت هُم وو چې کله زمکه او آسمان هُم نه وو جوړ شوي او دا ټول جهان هُم نه وو جوړ شوے. پخپله فرمائي : “ د ټولو نه مخكښې الله پاک زما نُور پيدا کړو او هُم زما د نُور نه ئې هر څيز پيدا کړو “ .

      زمونږ د خوږ آقا صَلَّى اللهُ عَلَيْهِ وَاٰلِهٖ وَسَلَّم شان دا دے چې د حضرتِ جَبرئيل عَـلَيْـهِ الـسَّـلَام نه ئې تپوس اوفرمائيلو : ستا عُمر څومره دے ،  [جبرئيل امين عَـلَيْـهِ الـسَّـلَام] عرض اوکړو : په څلورم حِجابِ عظمت کښي (70) اويا زره کاله پس يو ستورے راخيژي ، ما  هغه (72) دوه اَويا زره ځله  ليدلے دے. [حُضُور صَلَّى اللهُ عَلَيْهِ وَاٰلِهٖ وَسَلَّم] اُوفرمائيل : اے جِبرئيل! هغه ستورے زه يم. دا دے شانِ مُصطَفىٰ صَلَّى اللهُ عَلَيْهِ وَاٰلِهٖ وَسَلَّم ، چې الله پاک فرمائي : چې تاسو نه وے نو ما به دُنيا نه وے پيدا کړي. شانِ مُصطَفىٰ دا دے چې زمونږ د خوږ خوږ نبي مُحَمَّدِ عَـرَبِـي صَلَّى اللهُ عَلَيْهِ وَاٰلِهٖ وَسَلَّم نُوم حضرتِ آدم عَـلَيْـهِ الـسَّـلَام د ځان د پاره وسيله جوړ کړو. شان مُصطَفىٰ دا دے چې خوږ نبي صَلَّى اللهُ عَلَيْهِ وَاٰلِهٖ وَسَلَّم د ګوتې مبارکې په اِشاره سپوږمئ دوه تُکړے کړه . شان مُصطَفىٰ دا دے چې حُضُور صَلَّى اللهُ عَلَيْهِ وَاٰلِهٖ وَسَلَّم لرګے [د بلب په شان] روښانه کړلو او صحابۀ كرام د هغې په رنړا کښي کورونو ته اورسيدل. شان مُصطَفىٰ دا دے چې صحابي ته ئې يو لرګے په لاس کښي ورکړو نو هغې د تُورې په شان د کافرانو څټونه کټ کول شروع کړل. شان مُصطَفىٰ دا دے چې د بعضې [نارِينه] د پاره ئې سره زر حلال کړل او د بعضې کس ګواهي ئې د دوو برابر قرار کړه.