Book Name:Shan e Mustafa
حضور صَلَّى اللهُ عَلَيْهِ وَاٰلِهٖ وَسَلَّم به د شفاعت دروازه بيرته کوي
په يو حديثِ پاک کښې د “ تَورَيت شريف “ نه د حضور نبـىِّ كريم رَءُوْفٌ رَّحِيْم صَلَّى اللهُ عَلَيْهِ وَاٰلِهٖ وَسَلَّم دا اوصاف (يعني صفتونه) منقول دي : زما د بنده اَحمدِ مُختار صَلَّى اللهُ عَلَيْهِ وَاٰلِهٖ وَسَلَّم د پيدائش ځائے مَکّه مُکرَّمه او د هجرت ځائےمدينه طيبه دے ، د هغوئي اُمَّت په هر حال کښې د الله کثير (يعني ډير صِفَت) کوونکي دي.[1] د قيامت په ورځ د شَفاعتِ کُبریٰ مرتبه د حُضُور سرورِ کائنات صَلَّى اللهُ عَلَيْهِ وَاٰلِهٖ وَسَلَّم په خصوصياتو کښې ده چې تر څو حضورِ اکرم صَلَّى اللهُ عَلَيْهِ وَاٰلِهٖ وَسَلَّم د شفاعت دروازه برسيره نه کړي تر هغې به بل چا ته د شفاعت مجال نه وي ، بلکه حقيقتاً چې څومره شفاعت کوونکي دي هغوئي به د حُضُور صَلَّى اللهُ عَلَيْهِ وَاٰلِهٖ وَسَلَّم دربار ته شفاعت راوړي ، شَفاعتِ کُبریٰ د مُؤمِن ، کافر ، فرمانبردار او ګنهګار ټولو د پاره دے يعني د قيامت په ورځ د حساب شروع کيدلو انتظار چې ډير زيات سخت به وي ، خلق به وائي چې کاش! جَهنَّم ته دې غوزار کړے شو خو چې د دې انتظار نه خلاص شو ، د دې مصيبت نه خلاصے به کافرو ته هُم د حُضُور صَلَّى اللهُ عَلَيْهِ وَاٰلِهٖ وَسَلَّم په خاطر ملاويږي او په دې وجه به مخكښې او وروستو راتلونکي ملګري او مُخالِفِين ، مُؤمِنِين او کافِرِين ټول د حُضُور صَلَّى اللهُ عَلَيْهِ وَاٰلِهٖ وَسَلَّم صِفَت کوي ، د هُم دې نوم ’’مقامِ محمود‘‘ دے .[2]
کیا ہی ذوق افزا شفاعت ہے تمہاری واہ واہ قرض لیتی ہے گنہ پرہیز گاری واہ واہ