(Jungle)کی طرف اللہ پاک کی پاکی  بیان کرتی اور کلمۂ  طَیِّبَہ پڑھتی ہوئی جارہی تھی۔(دلائل النبوۃ،باب ماجاء فی کلام الظبیۃ …الخ،۶/۳۵)

(2)اُونٹ کی فَریاد

حضرت یَعلیٰ بن مُرَّہ رَضِیَ اللہُ عَنْہُ فرماتے ہیں:ایک دن ہم حُضور اکرم صَلَّی اللّٰہُ عَلَیْہِ واٰلِہٖ وَسَلَّمَ کے ساتھ سفر پر جارہے تھے،اچانک ہمارا گزر ایک ایسے اُونٹ کے پاس سے ہوا جس پر پانی کی مشکیزیں رکھی جارہی تھیں،جب اُونٹ نے حُضُور پاک صَلَّی اللّٰہُ عَلَیْہِ واٰلِہٖ وَسَلَّمَ کو دیکھا تو وہ بِلْبِلانے لگا اور اپنی گردن کو جُھکالیا،حُضُور انور صَلَّی اللّٰہُ عَلَیْہِ واٰلِہٖ وَسَلَّمَ اُس کے پاس تشریف لے گئے اور فرمایا :اِس  اُونٹ کا مالک کہاں ہے؟(اتنے میں)وہ آگیا،حُضُور پاک صَلَّی اللّٰہُ عَلَیْہِ واٰلِہٖ وَسَلَّمَ نے فرمایا:تم اِسے میرے ہاتھ بیچ دو، اُس نے کہا:بلکہ یہ میں آپ صَلَّی اللّٰہُ عَلَیْہِ واٰلِہٖ وَسَلَّمَ کو تحفے میں پیش کرتا ہوں،آپ صَلَّی اللّٰہُ عَلَیْہِ واٰلِہٖ وَسَلَّمَ نے فرمایا:بلکہ اِسے بیچ دو،اُس نے کہا، بلکہ تحفے میں پیش کیا،البتَّہ یہ اُونٹ ایسے گھرانے کا ہے جس کا ذریعَۂ روزگار اِس کے علاوہ اور کوئی نہیں،حُضور انور صَلَّی اللّٰہُ عَلَیْہِ واٰلِہٖ وَسَلَّمَ نے فرمایا:بہرحال جب تم نے اِس کا مُعَامَلَہ ذِکْر کر ہی دیا ہے تو سُنو! اِس نے کام زیادہ لینےاور چارہ کم دینےکی شکایت کی ہے، لہٰذا اِس کے ساتھ اَچّھا سُلوک کیا کرو۔(دلائل النبوۃ،ذکر المعجزات الثلاث التی شہدن …الخ،۶/۲۳)

صَلُّو ْا عَلَی الْحَبِیْب!                             صَلَّی اللہُ عَلٰی مُحَمَّد

خوشبو لگانے  کی سنتیں اور آداب

میٹھے میٹھے اسلامی بھائیو!آئیے!خوشبو لگانے کی چندسنتیں و آداب سننے کی سعادت حاصل کرتے ہیں۔پہلے2فرامینِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ملاحظہ کیجئے:(1)فرمایا:مجھے تمہاری دنیا میں تین