صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

پیارے پیارے اسلامی بھائیو!یقیناً اللہ والوں کا انداز نِرالا ہوتا ہے۔ چونکہ یہ نیک بندے زندگی کی حقیقت سے  واقف ہوتے ہیں، اس لیے اپنی زندگی کا ایک ہی مقصد (Purpose) پیشِ نظر رکھتے ہیں اور وہ ہے اللہ پاک کی عبادت اور اس کی اطاعت یعنی اللہ پاک کے حکم کے مطابق زندگی گزارنا۔اناللہ والوں کی زندگیاں پھر ہمیشہ اسی مقصد کے گرد گھُومتی  نظر آتی ہیں اور وہ نہ صرف اپنے اس مقصد میں کامیاب ہوتے ہیں بلکہ انہیں اس پر انعام بھی ملتا ہے۔

پىارے پىارے اسلامى بھائىو!ہم بھی اس حقیقت سے واقف ہیں کہ دنیا آخرت کی کھیتی ہے، مگر افسوس ہم آخرت کی بجائے دنیا کو ہی ترجیح دیتے ہیں، دنیا کے لیے جیتے ہیں، دنیا کے لیے منصوبے بناتے ہیں اور نتیجہ یہ نکلتا ہے کہ ہم زندگی کے مقصد کو فراموش کر بیٹھتے ہیں۔اَمِیرِ اہلسنّت،بانیِ دعوتِ اسلامی حضرت ِ علّامہ مَولانا ابو بلا ل محمد الیاس عطّار قادِری  رَضَوِی ضِیائی دَامَتْ بَرَکَاتُہُمُ الْعَالِیَہہمیں اس خوابِ غفلت سے بیدار کرتے ہوئے فرماتے ہیں۔    

بے وفا دُنیا پہ مت کر اِعتِبار                                  تُو اچانک مَوت کا ہوگا شِکار

موت آ کر ہی رہے گی یاد رکھ!                             جان جا کر ہی رہے گی یاد رکھ!

جب فِرِشتہ موت کا چھا جائے گا                           پھر بچا کوئی نہ تجھ کو پائے گا

دنیا میں رہ جائے گا یہ دَبْدَبَہ                                 زور تیرا خاک میں مل جائے گا

قَبْر روزانہ یہ کرتی ہے پُکار                                    مجھ میں ہیں کیڑے مکوڑے بےشُمار

میرے اندر تُو اکیلا آئے گا                                  ہاں! مگر اعمال لیتا آئے گا

نَرْم بستر گھر پہ ہی رہ جائیں گے                             تجھ کو فرشِ خاک پر دَفنائیں گے