کےعادی بن چکےہیں۔اللہ  پاک دعوتِ اسلامی کی تما م مجالس کو برکتیں عطافرمائے۔آمِیْن بِجَاہِ النَّبِیِّ الاَمِیْن صَلَّی اللہُ عَلَیْہِ وَاٰلِہٖ وَسَلَّم

اللہ کرم ایسا کرے تجھ پہ جہاں میں                           اے دعوتِ اسلامی تری دھوم مچی ہے

(وسائلِ بخشش مُرمَّمْ،ص۳۱۵)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

دن کا اعلان!

      اے عاشقانِ رسول !ہم زندگی کے مقصد کے بارے میں سُن رہے تھے۔اس میں شک نہیں کہ زندگی کا جو دن نصیب ہو جائے اسے غنیمت جاننا چاہیے اور اس میں زندگی کے مقصدِ حقیقی کو پانے کی کوشش کر نی چاہیے۔ہم نہیں جانتے کہ آنے والا کل ہمیں نصیب ہوگا یا نہیں؟ ہم نہیں جانتے کہ کل ہمیں لوگ ”جناب“ کہہ کر بلاتے ہیں یا ”مرحوم (Late) “  کہہ کر یاد کرتے ہیں۔ آج کاروباری لوگوں کی زبان پر یہ بات ہوتی ہے کہ جو کچھ کرنا ہے جلدی کر لو سیزن چل رہا ہے۔ بازار تیز ہے ،اس لیے جو کمانا ہے کما لو۔ یعنی یہ بات دماغ میں ہوتی ہے کہ وقت تیزی سے گزر رہا ہے اور وقت کی یہی تیز رفتاری ہمیں اپنی موت کی منزل کی طرف لئے جا رہی ہے۔  قرآنِ پاک ہمیں  بتا رہا ہے، چُنانچِہ پارہ 30 سورہ اِنشِقاق کی آیت نمبر6 میں ارشاد ہوتا ہے:

یٰۤاَیُّهَا الْاِنْسَانُ اِنَّكَ كَادِحٌ اِلٰى رَبِّكَ كَدْحًا فَمُلٰقِیْهِۚ(۶)                           

ترجَمہ کنزالایمان: اےآدمی!بے شک تجھےاپنے رب کی طرف یقینی دوڑنا ہے پھر اس سے ملنا۔

منصوبہ سازی مگر کس لیے؟

      پىارے پىارے اسلامى بھائىو!ہماری منصوبہ بندی،سوچ و فِکر دُنیاکے دائرے میں