والوں  کو فائدہ دیتا ہے۔(پ۲۷،الذریت:۵۵)

آئیے!ہم سب بھی نیّت کر تی  ہیں کہ کسی اسلامی بہن  کو گُناہ میں مُبْتَلا  دیکھ کر اُس  کو نَرمی  سے سمجھانے کی کوشِش کریں گی ،اِنْ شَآءَ اللہ،دُوسرں کی اِصْلاح کے ساتھ ساتھ اپنی   بھی اِصْلاح کی کوشِش کریں گی ،اِنْ شَآءَ اللہ،اپنے  گھر کے محارم پر اِنْفِرادی کوشِش کرکے گھر میں  مَدَنی ماحول بنائیں گی ،اِنْ شَآءَ اللہ۔

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

میٹھی میٹھی ا سلامی بہنو!ہمارے بُزُرْگانِ دِینرَحْمَۃُ اللّٰہ ِ  عَلَیْہِمْ اَجْمَعِیْن نے اپنی زندگیاں مُسَلمانوں کی اِصْلاح کی کوشِش کرتے ہوئے گُزاردیں،بعض نے اپنی پُراَثَر تَحریروں کے ذَرِیْعے، بعض نےتَقْرِیروں کے ذَرِیْعے اوربعض نے دونوں طَریقوں سے مُسَلمانوں کی اِصْلاح کا مُقَدَّس کام سَراَنجام دیا، جن سے مُتَأَثِّر  ہوکر غیرمُسْلِموں کو اِیمان کی دَوْلَت جبکہ بے شُمار  گُناہ گاروں کو سچّی تَوبہ کی تَوْفِیْق نَصیب ہوجاتی ہے۔آئیے!اس کی ایک ایمان افروز جھلک ملاحظہ کیجئے،چنانچہ

عُتْبَہ کا عجیب واقِعہ

دعوتِ اِسلامی کے اِشاعَتی اِدارے مکتبۃُ المدینہ کی کِتاب ”مُکَاشَفَۃُ الْقُلُوْب“ صَفْحہ نمبر67 پر ہے:عُتْبَۃُ الْغُلَام(تَوْبَہ سے پہلے ان)کی بُرائیوں اور شَراب نوشی کی داستانیں مشہور تھیں،ایک دِن حضرت(سَیِّدُنا)حَسَن بَصْری رَحْمَۃُ اللّٰہِ  عَلَیْہ کی مَجْلِس میں آئے،اُس وَقْت حضرت(سَیِّدُنا)حَسَن(بَصْری)رَحْمَۃُ اللّٰہ ِ  عَلَیْہ (پارہ 27سُوْرَۃُالْحَدِیْد،آیت نمبر 16)کی تفسیر بَیان  کررہے تھے:

اَلَمْ یَاْنِ لِلَّذِیْنَ اٰمَنُوْۤا اَنْ تَخْشَعَ قُلُوْبُهُمْ لِذِكْرِ اللّٰهِ  

 ترجمۂ کنزُالعِرفان:کیا ایمان والوں  کیلئے ابھی وہ وقت نہیں  آیا کہ ان کے دل اللہ کی یاد اور اس حق کے لیے