میٹھی میٹھی اسلامی  بہنو!حضرت سَیِّدتنا بی بی رُقَیَّہ رَضِیَ اللہُ عَنْہا کی وفات کے بعد حضورِ انور،شافعِ محشرصَلَّی اللہُ عَلَیْہِ وَاٰلِہٖ وَسَلَّمنے3ہجری میں(اپنی ایک اور شہزادی)حضرت سَیِّدتنا اُمِ کلثوم رَضِیَ اللہُ عَنْہا کا نکاح امیرُالمؤمنین حضرت سَیِّدُنا عثمانِ غنی رَضِیَ اللہُ عَنْہ کے ساتھ فرمایا۔9ہجری میں حضرت سیدتنا اُمِّ کلثوم رَضِیَ اللہُ عَنْہا کی وفات ہوئی۔رسولِ خدا،احمد مجتبیٰ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی اس شہزادی کو بھی یہ اعزاز حاصل ہوا کہ ان کے بابا جان،رحمتِ عالمیان صَلَّی اللہُ عَلَیْہِ وَاٰلِہٖ وَسَلَّمنے ان کی نمازِ جنازہ خود پڑھائی اور انہیں مدیْنۂ مُنَوَّرَہ کے قبرستان”جنّتُ البقیع“میں دفن بھی فرمایا۔(شرح زرقانی، الفصل الثانی فی ذکر اولادہ الکرام،۴/۳۲۵ ۔۳۲۷)

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

8مدنی کاموں میں سے ایک مدنی کام”مدنی مذاکرہ  “

      میٹھی میٹھی اسلامی  بہنو! اَلْحَمْدُ لِلّٰہ!عاشقانِ رسول کی مدنی تحریک دعوتِ اسلامی کے مدنی ماحول میں آقا کریم صَلَّی اللّٰہُ عَلَیْہِ واٰلِہٖ وَسَلَّمَ اور دیگر مقدس ہستیوں کا ادب سکھایا جاتا ہے،ان سے مَحَبَّت کا درس دیا جاتا ہے اور ان کی سیرت پر عمل کرنے کا ذہن بھی دیا جاتا  ہے،لہٰذا دعوتِ اسلامی کے مدنی ماحول سے ہر دم وابستہ ہوجایئے اور اپنے علاقے میں ذیلی حلقے کے8 مدنی کاموں کی دھومیں مچادیجئے۔ذیلی حلقے کے8مدنی کاموں میں سے ایک مدنی کام”مدنی مذاکرہ“بھی ہے۔ہر اسلامی بہن روزانہ اِنفرادی طور پریاتمام گھر والوں کو (جن میں نا محرم نہ ہوں) جمع کرکے شیخِ طریقت ،امیرِ اہلسنّت دَامَتْ بَرَکَاتُہُمُ الْعَالِیَہ کے سنّتوں بھرے بیانات اور مَدَنی مذاکرہ  نیز''مکتبۃ المدینہ'' سے جاری ہونے والے دِیگرمبلغین کے سنتوں بھرے بیانات ضرور سُنیں۔ مدرَسۃ المدینہ(بالِغات) میں ہفتہ واراور