کر چکی ہیں۔آئیے!نیّت کرتی  ہیں کہ ہم بھی ہر ہفتے ”مَدَنی مُذاکرہ“دیکھنے کو یقینی بنائیں گی  اور دُوسری  اسلامی  بہنوں کو بھی مدنی مُذاکرہ دیکھنے کی دعوت  دیتی رہیں  گی اِنْ شَآءَ اللہ ۔ہفتہ وارمدنی مذاکرے کے علاوہ مختلف مواقع پربھی مدنی مذاکروں کا سلسلہ ہوتاہے،مثلاًمُحَرَّمُ الْحَرَام کے 10مدنی مذاکرے، ماہِربیعُ الاول(بارہویں)کے12مدنی مذاکرے،ماہِربیعُ الاخر(گیارہویں)کے11مدنی مذاکرے،ماہِ رمضان میں روزانہ2مدنی مذاکرے،ماہِ ذُوالْحِجَّۃِ الْحَرام کے10مدنی مذاکرے وغیرہ۔

8مدنی کاموں میں سے ہفتہ واراِس مدنی کام”مدنی مذاکرہ“کی تفصیلی معلومات جاننے کے لیے مکتبۃ المدینہ کے رِسالے”ہفتہ وارمدنی مذاکرہ“ کا مطالعہ کیجئے، دعوتِ اسلامی کی تمام ذمہ دار اسلامی بہنیں تو اِس رِسالے کالازمی مطالعہ فرمائیں۔

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

          میٹھی میٹھی اسلامی  بہنو!آئیے! اب ہم حُضُورِ  اکرم رَسولِ مُحْتَشَم صَلَّی اللہُ عَلَیْہِ وَاٰلِہٖ وَسَلَّم کی سب سے لاڈلی شہزادی اور خاتونِ جنّت حضرت سَیِّدتُنا فاطمہ زہرا رَضِیَ اللہُ عَنْہا  کا ذکرِ خیر بھی سنتی ہیں۔ پہلے آپ رَضِیَ اللّٰہُ عَنْہا کا مختصر تعارف ملاحظہ کیجئے، چنانچہ

خاتونِ جنت رَضِیَ اللّٰہُ تَعَالٰی عَنْہا کا مختصر تعارُف

                              آپ رَضِیَ اللّٰہُ عَنْہا کا نام’’فاطِمہ‘‘لقَب’’زَہرا‘‘اور’’بَتُول‘‘ہے۔آپ رَضِیَ اللّٰہُ عَنْہا  کا بچپن  شریف اور زندگی کا ہر لمحہ نہایت ہی پاکیزہ  تھا،آپ رَضِیَ اللّٰہُ عَنْہا نے حضور نبیِّ کریم  صَلَّی اللّٰہُ عَلَیْہِ واٰلِہٖ وَسَلَّمَ اور اُمُّ المومنین  حضرت سَیِّدتنا  خدیجۃ الکبری رَضِیَ اللّٰہُ عَنْہا کی آغوشِ  رحمت میں تربیت پائی،آپ رَضِیَ اللّٰہُ تَعَالٰی عَنْہا دن رات  اپنے والدین  کی پاکیزہ زبان سے پاکیزہ اقوال سُنتیں۔آپرَضِیَ اللّٰہُ عَنْہا  نہایت  عبادت گزار،متقی اور پاکباز خاتون تھیں،آپرَضِیَ