(سیدتنا)خدیجہ رَضِیَ اللّٰہُ عَنْہانے آپ رَضِیَ اللّٰہُ تَعَالٰی عَنْہا کو جہیز میں دیاتھا۔نبیِّ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنے جب اس کو دیکھا تو اُمُّ المؤمنین حضرت سیدتنا خدیجہ رَضِیَ اللّٰہُ تَعَالٰی عَنْہاکی محبت میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی مبارک آنکھوں سے آنسو جاری ہوگئے۔یہ ہار حضورِ اقدس  صَلَّی اللہُ عَلَیْہِ وَاٰلِہٖ وَسَلَّم کا اشارہ پاکر صحابَۂ کرام رَضِیَ اللّٰہُ تَعَالٰی عَنْہُم  نے حضرت سیدتنا  زَیْنب رَضِیَ اللّٰہُ عَنْہا کے پاس واپس بھیج دیا۔حضور(نبیِّ رحمت،شفیعِ اُمّت)صَلَّی اللّٰہُ عَلَیْہِ واٰلِہٖ وَسَلَّمَ نے حضرت زید بن حارثہ رَضِیَ اللّٰہُ عَنْہُ کو ایک انصاری کے ساتھ پہلے ہی مقام” بطن یا جج“میں بھیج دیا تھا۔ چنانچہ یہ دونوں حضرات”بطن یا جج“سے اپنی حفاظت میں حضرت  سیدتنا زَیْنبرَضِیَ اللّٰہُ عَنْہا کو مدیْنہ مُنَوَّرَہ لائے۔(سیرتِ مصطفے،ص ۶۹۱،۶۹۲ملخصاً)

میٹھی میٹھی اسلامی بہنو!آقا مظلوم،سرورِ معصوم صَلَّی اللہُ عَلَیْہِ وَاٰلِہٖ وَسَلَّم وہ محترم ہستی ہیں جن کو راہِ خدا میں بہت زیادہ تکلیفیں دی گئیں،طرح طرح سے ستایا گیا،ظلم وستم کے پہاڑ توڑے گئے۔ظالموں کا ظلم  وستم اس قدر بڑھا کہ انہوں نے نہ صرف آپ صَلَّی اللہُ عَلَیْہِ وَاٰلِہٖ وَسَلَّم کو بلکہ  آپ صَلَّی اللہُ عَلَیْہِ وَاٰلِہٖ وَسَلَّم کے ساتھ تعلق رکھنے والوں اور والیوں پر ظلم و ستم ڈھانے میں کوئی کمی نہیں چھوڑی۔شہزادیِ مُصْطَفٰےحضرت سَیِّدتنا زَیْنبرَضِیَ اللّٰہُ عَنْہا کا شمار بھی انہی مظلوم ہستیوں میں ہوتا ہے کہ جو کفار کے ظلم و ستم کا شکار ہوئیں،چنانچہ

اُونٹ سے گر گئیں

تاجدارِ رِسالت صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی شہزادی حضرت سَیِّدَتُنا زَیْنَب رَضِیَ اللّٰہُ تَعَالٰی عَنْہا کو اُن کے شوہر ابُو الْعَاص بن ربیع رَضِیَ اللّٰہُ تَعَالٰی عَنْہُ نے غَزوۂ بدر کے بعد مدینۂ مُنَوَّرہ کے لئے روانہ کِیا۔ جب قُرَیْشِ مکّہ کو اُن کی روانگی کا عِلْم ہوا تو اُنہوں نے حضرت سَیِّدَتُنازَیْنَب رَضِیَ اللّٰہُ تَعَالٰی عَنْھا  کا پیچھا کِیا حتّٰی کہ