Book Name:Nigahon ke Hifazat kijiye
آپ پہلے کی طرح اب بھی خود مسجد کی طرف جاتے اور اپنے ربِّ کریم کی عبادت کرتے ۔(عیون الحکایت ، الحکایت السابعۃ الاربعون بعد المائۃ ص۱۶۵)
میں نیچی نگاہیں رکھوں کاش اکثر عطا کر دے شرم و حیا یاالٰہی
ہمیشہ کروں کاش پردے میں پردہ تُو پیکر حیا کا بنا یاالٰہی
(وسائل بخشش مرمم،ص۱۰۳۔۱۰۴)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!سُناآپ نے ہمارے اسلافِ کرامرَحْمَۃُ اللّٰہ ِتَعَالٰی عَلَیْہم اَجْمَعِیْن کیسےعظیم لوگ تھے،ان مُبارک ہستیوں کو اگر کسی کام میں آخرت کا فائد ہ نظرآتا تواس کی خاطر دُنیاوی نُقْصان کی پروا نہ کرتے مگر دُنیاوی نَفْع کی خاطر آخرت کا نقصان ہرگز ہرگزبرداشت نہ کرتے۔
جیساکہ بیان کردہ حکایت سے معلوم ہواکہ اللہ کریم کے مُقَرَّب ولی حضرت سَیِّدُنا یُونس بن یوسُف رَحْمَۃُ اللّٰہ ِتَعَالٰی عَلَیْہ کو یہ بات تو منظور تھی کہ ان کی آنکھوں کی روشنی جاتی ہے تو جائے، مگراس آنکھ سے اللہ کریم کی نافرمانی ہرگز ہر گز نہ ہونے پائے۔اللہ کریم ان بزرگوں کے صدقے ہمیں بھی بدنگاہی سے بچنے،اپنے ہرہر عضو کو گناہوں سےمحفوظ رکھنےبالخصوص آنکھوں کی حفاظت کرنے کی اور قفلِ مدینہ لگانے کی توفیق عطا فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ
| آقا کی حیا سے جھکی رہتی نظر اکثر آنکھوں میں سرِحَشر نہ بھر جائے کہیں آگ بولوں نہ فُضول اور رہیں نیچی نگاہیں |
| آنکھوں پہ مرے بھائی لگا قفلِ مدینہ آنکھوں پہ مرے بھائی لگا قفلِ مدینہ آنکھوں کا زَباں کا دے خدا قفلِ مدینہ |
(وسائل بخشش مرمم،ص۹۴،۹۵94)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد