اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                        وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                   وَعَلٰی اٰلِكَ وَ اَصْحٰبِكَ یَا نُوْرَ اللہ

نَـوَیْتُ سُنَّتَ الاعْتِکَاف   (ترجَمہ:میں نے سنّتِ اعتکاف کی نیّت کی)

جب بھی مسجد میں داخِل ہوں، یاد آنے پر نفلی اِعْتکاف کی نِیَّت فرما لِیا کریں، جب تک مسجد میں رہیں گے، نفلی اِعْتکاف کا ثواب حاصِل ہوتا رہے گا اور ضِمناً  مسجد میں کھانا، پینا،سونا بھی جائز ہو جائے گا۔

دُرُود شَرِیف کی فضیلت:

حضرتِ سیِّدُنا سَہل بن سعد رَضِی اللّٰہ تَعالیٰ عَنْہُ سے روایت ہے کہ ایک روز سرکارِ نامدار، رسولوں کے سردار  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ با ہَرتشریف لائے، اِس موقع پر ابوطَلْحہ رَضِی اللّٰہ تَعالیٰ عَنْہ نے آگے بڑھ کر عرض کی، ’’یَارَسُوْلَ اللّٰہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ میرے ماں باپ آپ پر قربان ہوں ،آج چہرۂ مُبارَک پر خوشی کے آثار معلوم ہو رہے ہیں۔‘‘ فرمایا :’’بے شک ابھی جبرئیلِ امین( عَلَیْہِ السَّلام) میرے پاس آئے تھے اور اُنہوں نے کہا، اے محمد! صَلَّی اللہُ تَعَالٰی عَلَیْہِ وَاٰلِہٖ وَسَلَّم  جس نے آپ پر ایک بار دُرُودِ پاک پڑھا،اللہ عَزَّ  وَجَلَّ اُس کے نامۂ اعمال میں دس (10)نیکیاں لکھے گا اور دس (10)گُناہ مٹا دے گا اور دس(10) دَرَجات بڑھادےگا۔‘‘(القول البدیع، ص ۲۴۲)

اُن پر دُرود جن کو کَسِ بے کَساں کہیں             اُن پر سَلام جن کو خَبَر بے خَبَر کی ہے

مختصر وضاحت: یعنی ہم اپنے اُس پیارے پیارے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ پر