کاش ! عطاؔر کا طیبہ میں خاتِمہ               ہو کرو  یہ دُعا عاشِقانِ رسول

 (وسائلِ بخشش،ص649)

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

          میٹھے میٹھے اسلامی بھائیو! یاد رکھئے!ایک دن مَوْت ہمارا رشتۂ حَیات ختم کر کے قبر میں سُلادے گی،پھر بروزِ محشر ربّ عَزَّ  وَجَلَّ کی بارگاہ میں  کھڑےہوکر  حساب  دینا پڑےگا، سوال ہوگا عمر کن کاموں میں  گزرای؟پھر دوسرا سوال ہوگا  جوانی کن کاموں میں  گزاری ؟ بالخصوص میرے نوجوان  اسلامی بھائیو!اُس وقت  ہم ربّ عَزَّ  وَجَلَّ   کی بارگاہ میں کیا جواب دیں گے   کہ اے مالک! میں  نے اپنی  جوانی  گلی،محلوں اور چوکوں  پر فضول بیٹھنے میں گنوادی یا ساری ساری رات سوشل میڈیا پر فضولیات میں مشغول رہ کر بربادکردی ۔ ذرا غور کیجئے! اگراِنہی بُرے کاموں کی وجہ سے بروزِ قیامت حضورصَلَّی اللّٰہُ تَعَالٰی عَلَیْہِ واٰلِہٖ وَسَلَّمَنےاپنا رُخِ انور پھیر لیا  تو پھر کون ہمارا پُرسانِ حال ہوگا ؟ آپ کے علاوہ کس  سے شفاعت کی بھیک مانگیں گے؟

تمہارانام مصیبت میں جب لیا ہوگا                                               ہمارا بگڑا ہوا کام بن گیا ہوگا

دکھائی جائے گی محشر میں شانِ محبوبی                                کہ آپ ہی کی خوشی آپ کا کہاہوگا

خدائے پاک کی چاہیں گے اگلے پچھلے خوشی                       خدائے پاک خوشی ان کی چاہتا ہوگا

کسی کے پاؤ ں کی بیڑی یہ کاٹتے ہوں گے                           کوئی اَسیرِ غم ان کو پکارتا ہوگا

کسی کے پلّہ پہ ہوں گے یہ وقتِ وزن عمل                          کوئی اُمید سے منہ ان کاتک رہا ہوگا

کوئی کہے گا دُہائی ہے یَارَسُوْلَ اللہ                                    تو کوئی تھام کے دامن مچل گیاہوگا

                                                                                                                                                                        (ذوقِ نعت،ص ۳۵،۳۶)

               میٹھے میٹھے اسلامی بھائیو!آئیے! کچھ اچھی اچھی نیّتیں کرلیتے ہیں،مگریہ ذہن نشین رہےکہ کسی بھی عملِ خیر میں اچّھی نیّت کا مطلب یہ ہے کہ جو عمل کیا جا رہا ہے، دل اُس کی طرف مُتَوجِّہ ہو اور وہ عمل