معلوم ہوتا کہ ُبلند ہے حالانکہ بُلند نہ تھی۔ بُلندی تو وہ نُور تھا جواسے گھیر ے ہوئے تھا۔( الشمائل المحمدیہ للترمذی،باب ماجاء فی خلق رسول اللہ،ص۲۲ حدیث۷،ملتقطا)

بینی ِ پُرنُور پر رَخْشاں ہے بُکَّہ نُور کا          ہے لِواءُالْحَمْد پر اُڑتا پَھریرا نُور کا

(حدائقِ بخشش،ص،۲۴۳)

مختصروضاحت:آپ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی پُرنُور بینی (ناک مُبارک) پہ ہر وَقْت اس طرح نُور چمکتا رہتا ہے کہ یوں لگتا ہے جیسے لِواءُ الْحَمْد(قِیامت کے دن اللہ تَعَالیٰ کی حمد کا جھنڈا جو حُضُور عَلَیْہِ الصَّلَاۃُ وَالسَّلَام کے ہاتھ میں ہوگا اس) کا پھریرا (نشان) لہرا رہا ہے۔(شرح حدائقِ بخشش، ص:۷۱۰)

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

پیشانی مبارک

                آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی پیشانی مُبارک کُشادہ تھی اورچراغ کی مانند چمکتی تھی۔ چنانچہ حضرتِ حَسان بن ثابت  رَضِیَ اللّٰہُ تَعَالٰی عَنْہُ  فرماتے ہیں:

مَتٰی یَبْدُ فِی اللَّیْلِ الْبَھِیْمِ جَبِیْنُہٗ        بَلَجَ مِثْلَ مِصْبَاحِ الدُّجَی الْمُتَوَ  قِّدٖ

                یعنی جب اندھیری رات میں آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی پیشانی ظاہر ہوتی تو، تاریکی کے روشن چَراغ کی مانند چمکتی۔(شرح الزرقانی علی المواہب ج۵ /۲۷۸)

سیدی اعلیٰ حضرت رَحْمَۃُ اللہ تَعَالٰی عَلَیْہ فرماتے ہیں:

جس کے ماتھے شَفاعت کا سہرا رہا             اس جَبین ِسَعادَت پہ لاکھوں سلام            (حدائق بخشش، ص۳۰۰ )

شعر کی وضاحت:جب حَشْر بپا ہوگا اور نفسا نفسی کا عالَم ہوگا، کوئی کسی کا پُرسانِ حال نہ ہوگا تو شَفاعَت کا سہرا ہمارےآقا عَلَیْہِ الصَّلٰوۃُ  وَالسَّلَام کے سر پہ باندھا جائے گا، تو پھر اس لجپال آقا عَلَیْہِ الصَّلٰوۃُ