Book Name:Husn e Mustafa ﷺ
آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے مبارک چہرے سے ہر وقت اَنوارو تجلیات کی بارش ہوتی تھی ، آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے چہرۂ انور کی برکت سے اندھیروں میں اُجالا ہوجاتا،ظلمتوں کے بادل چھٹ جایا کرتے تھے ، جیساکہ
سوزَنِ گمشُدہ ملتی ہےتَبسُّم سے ترے
اُمُّ الْمؤمِنین حضرتِ سیِّدَتُنا عائشہ صدّیقہرَضِیَ اللّٰہُ تَعَالٰی عَنْہا سَحری کےوَقت کچھ سی رہی تھیں کہ اچانک ہاتھ سے سُوئی گِرگئی اور چَراغ(Lamp) بھی بُجھ گیا۔ اتنےمیں رَحمتِ عالم،نورِمجسَّمصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ تشریف لے آئے۔ چہرۂ اَنور کی روشنی سے سارا گھر روشن ہوگیا حتّٰی کہ سُوئی مل گئی۔اُمُّ الْمؤمِنینرَضِیَ اللّٰہُ تَعَالٰی عَنْہا نےعرض کی:یَارَسُوْلَاللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ!آپ کاچہرہ کتنا روشن ہے۔سرکارِ مدینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نےارشادفرمایا:وَیْلٌ لِّمَنْ لَّا یَرَانِیْ یَوْمَ الْقِیَامَۃِ ۔ یعنی اس شخص کےلیے ہَلاکت ہے جو مجھے قیامت کے دن نہ دیکھ سکےگا۔عرض کی:وہ کون ہے جو آپ کو قیامت کے دن نہ دیکھ سکےگا۔ فرمایا:وہ بَخیل ہے۔پوچھا:بَخیل کون؟ارشادفرمایا:اَلَّذِیْ لَا یُصَلِّیْ عَلَیَّ اِذْ سَمِعَ بِاِسْمِیْ،جس نے میر ا نام سُنا اور مجھ پر دُرُودِ پاک نہ پڑھا۔(القول البدیع،الباب الثالث فی التحذیر من ترک الصلاۃ ۔۔۔الخ، ص۳۰۲)
| سُوزَنِ گُمشُدہ ملتی ہے تبسُّم سے ترے | شام کو صُبح بناتا ہے اُجالا تیرا |
(ذوقِ نعت،ص۱۶)
حُسن و جمالِ مصطفیٰ مرحباصدمرحبا اَوج و کمالِ مصطفیٰ مرحبا صد مرحبا
عادات وخصالِ مصطفیٰ مرحبا صد مرحبا عز وجلال مصطفیٰ مرحباصد مرحبا
عظمت وشانِ مصطفیٰ مرحبا صد مرحبا
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد