رَبُّ السَّمٰوٰتِ وَ الۡاَرۡضِ  وَ مَا بَیۡنَہُمَا فَاعۡبُدۡہُ وَ اصۡطَبِرۡ  لِعِبَادَتِہٖ ؕ ہَلۡ  تَعۡلَمُ  لَہٗ  سَمِیًّا (٪۶۵)  

(پارہ: 16، سورۀ مریم: 65)

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صَلَّى اللهُ عَلَيْهِ وَاٰلِهٖ وَسَلَّم

[مفهوم] ترجمهٴ کنزُ العِرفان: د اسمانونو او زمکې او څۀ چې د دوئي پۀ مينځ کښې دي د ټولو رب (هُم هغه دے) نو هُم د هغۀ عبادت کوه او د هغۀ پۀ عبادت کلک ودريږه، آيا تۀ د الله پۀ نوم بل څوک پيژنې؟۔

صَلُّوا عَلَی الْحَبیب!                                                                   صَلَّی اللّٰہُ عَلٰی مُحَمَّد

خوږو او محترمو اِسلامي وروڼو! اَلْحَمْدُ لِلّٰہ! د رَمَضَانُ المُبَارَک برکتي، د نُور نه ډک، د سپرلي ګړئ دي، هر وخت رحمتونه راوريږي، هر ساعت برکتي دے، خوش قِسمته دي هٰغه خلق کوم چې د ظاهري او د باطني آدابو سره پۀ روژو نيولو، د زړۀ پۀ خوشحالۍ پۀ 20 رکعته تراويح، د پيشمني او د روژه ماتي پۀ برکتونو حاصلولو د رَمَضَانُ المُبَارَک سپرلي حاصلوي او ډير محرومه او بد قِسمته دي هٰغه خلق کوم چې پۀ دې بختورو ساعتونو کښې هم د نيکو نه محرومه دي، روژې نۀ نيسي، تراويح نۀ کوي يا کوي يـې هم خو پوره يـې نۀ کوي، د بخښنې او د مغفرت او د رحمت پۀ دې عظيمه مياشت کښې هم د الله پاک او د رسولِ کريم صَلَّى اللهُ عَلَيْهِ وَاٰلِهٖ وَسَلَّم د رضا والا کارونو کولو نه لرې دي۔ د دواړو جهانو سلطان، شهنشاه د کون او مکان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: زما اُمت به ذليله او رسوا کيږي نۀ، تر څو پورې چې هغوئي د رمضان د مياشتې حق ادا کوي۔ عرض اوکړے شو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! د رمضان پۀ حق ضائع کولو کښې د هغوئي ذليل او رسوا کيدل څۀ دي؟