Book Name:Rah e Ibadat Ki Rukawatain
خوږو او محترمو اِسلامي وروڼو! مونږ د 16 سيپارې، د سورۀ مريم د آيت: 65 د اوريدو سعادت حاصل کړو، الله پاک اِرشاد فرمائي:
رَبُّ السَّمٰوٰتِ وَ الۡاَرۡضِ وَ مَا بَیۡنَہُمَا فَاعۡبُدۡہُ وَ اصۡطَبِرۡ لِعِبَادَتِہٖ ؕ ہَلۡ تَعۡلَمُ لَہٗ سَمِیًّا (٪۶۵)
(پارہ:16، سورۀ مریم:65) [مفهوم]
ترجمهٴ کنزُ العِرفان: د اسمانونو او زمکې او څۀ چې د دوئي پۀ مينځ کښې دي د ټولو رب (هُم هغه دے) نو هُم د هغۀ عبادت کوه او د هغۀ پۀ عبادت کلک ودريږه، آيا تۀ د الله پۀ نوم بل څوک پيژنې؟۔
يعنې خوږه محبوبه صَلَّى اللهُ عَلَيْهِ وَاٰلِهٖ وَسَلَّم! اسمان او زمکه او څۀ چې پۀ دې کښې دي د ټولو مالک ستاسو خوږ رَبّ الله رَبُّ العِزت دے، تاسو د هغۀ عبادت کوئ او پۀ هغې باندې ثابت قدم اوسيږئ! آيا تاسو څوک د الله پاک پۀنوم پيژنۍ؟ هيڅکله نۀ۔۔۔!! يعنې الله پاک يو دے، يواځې دے، لا شريک دے او د هغۀ دا وحدانيت (يعنې يو کيدل) دومره واضحه دي، دې حد ته رسيدلي دي چې د هغۀ پۀ شان بَل څوک دويم کيدل خو غټه خبره ده، د هغۀ د نوم پۀ شان نوم هم د چا نشته، د دې پورې چې غير مسلمه کوم چې د الله پاک سره شريکان ګرځوي، دوزخ ته تلونکي کارونه کوي، د هغوئي هم داسې جرأت نۀ دے