Book Name:Rah e Ibadat Ki Rukawatain
د نفس د خنډ نه بچ کيدلو او پۀ عبادت کښې د مصروفه اوسيدلو دويم عِلاج صبر دے۔ پۀ عبادت باندې صبر اِختيار کړئ! نن سبا چې لکه څنګه د رَمَضَانُ المُبَارَک برکتونه نازليږي، مونږ سحر پيشمنے اوکړو او روژه نيسو، ماسپښين وږي او تږي شو، بيا مونږ څۀ کوو؟ صبر۔۔۔!! يعنې دغه لوږه او تنده برداشت کوو، برداشت کوو، د دې پورې چې د روژه ماتي وخت شي، بس دا چې کوم برداشت دے، هم د دغه برداشت نه کار اخستل، د نفس عِلاج دے۔ د څۀ مودې پورې چې مونږ پۀ نيکو باندې داسې صبر اوکړو، که نفس ناراستي راکوي نو يو ځل بيا بس د زړۀ نه پۀ عبادت کښې مصروف شو، د څۀ مودې پورې به ګرانه وي، بيا به ورو ورو نفس عادت شي۔ بيا به اِنْ شَآءَ اللہُ الْکَرِیم ! ګرانه نۀ وي۔
د صحابئ رسول رَضِىَ اللهُ عَـنْهُ بے مثاله اِستقامت
حضرت جابِر رَضِىَ اللهُ عَـنْهُ فرمائي: يو ځل مونږ د الله پاک د خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم سره يوې غزا [يعنې غزوه] له لاړو، پۀ واپسۍ کښې مونږ يوې غرئيزې علاقې ته راورسيدو، رسولِ اکرم، نُورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم هلته د قيام کولو حکم وفرمائيلو۔ ټول صحابۀ کرام عَليهمُ الرّضوَان د ارام د پاره هلته ايسار شول۔ د الله پاک حبيب، د زړونو طبيب صَلَّى اللهُ عَلَيْهِ وَاٰلِهٖ وَسَلَّم وفرمائيل: بيګاه له به څوک څوکۍ اوکړي؟ يو مهاجر او يو اَنصاري صحابي رَضِىَ اللهُ عَـنْهما ودريدل او عرض يـې اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! دا سعادت مونږ حاصلول غواړو، مونږ قبول کړئ! رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم اجازت