Book Name:Rah e Ibadat Ki Rukawatain
سره سره پۀ جومات کښې د دوستانو وغيره نه لرې يۍ نو اِنْ شَآءَ اللہُ الْکَرِیم ! پۀ زيات عبادت کولو کښې به کامياب شۍ۔
د دې خنډ يو بهترين حل دا هم دے چې مونږ د خپلو ترجيحاتو ټاکنه اوکړو۔ حضرت عليُ المُرتضیٰ، شيرِ خُدا رَضِىَ اللهُ عَـنْهُ ډير د اوچتې مرتبې صحابي دے، د مسلمانانو څلورم خليفه دے، يو ځل د هغوئي شهزاده اِمامِ حَسَن مُجتبیٰ رَضِىَ اللهُ عَـنْهُ د هغوئي نه پوښتنه اوکړه: بابا جانه! دا ووايئ چې آيا ستاسو زما سره محبت شته ؟ اوئې فرمائيل: آؤ! بالکل شته۔ عرض يـې اوکړو: د زما د ورور حُسَين رَضِىَ اللهُ عَـنْهُ سره هم محبت کوئ؟ اوئې فرمائيل: آؤ! بالکل کووم۔ عرض يـې اوکړو: د مور بي بي سره هم محبت کوئ؟ اوئې فرمائيل: آؤ! کووم۔ بيا يـې پوښتنه اوکړه: او د رسولُ الله صَلَّى اللهُ عَلَيْهِ وَاٰلِهٖ وَسَلَّم سره مو هم محبت شته ؟ اوئې فرمائيل: بالکل شته ۔ اِمامِ حَسَن رَضِىَ اللهُ عَـنْهُ پوښتنه اوکړه: د الله پاک سره مو هم محبت شته ؟ اوئې فرمائيل: ضرور شته۔ بيا شهزاده عرض اوکړو: پۀ سينه کښې خو زړۀ يو دے، بيا پۀ يو زړۀ کښې دومره ډير محبتونه څنګه راجمع کيدے شي؟ حضرت علي المُرتضیٰ، شيرِ خُدا رَضِىَ اللهُ عَـنْهُ بَابِ مَدِينَةُ العِلم (يعنې د عِلم د ښار دروازه) ده، اوئې فرمائيل: ځويه! زۀ ستاسو د ټولو سره محبت کووم (خو دا ټول محبتونه د الله پاک د رضا د پاره دي)، څنګه چې د عبادت وخت شي، زۀ تاسو ټول هير کړم او د الله پاک پۀ عبادت کښې مصروف شم۔ ([1])