شَهْرُ رَمَضَانَ الَّذِیْۤ اُنْزِلَ فِیْهِ الْقُرْاٰنُ هُدًى لِّلنَّاسِ وَ بَیِّنٰتٍ مِّنَ الْهُدٰى وَ الْفُرْقَانِۚ-فَمَنْ شَهِدَ مِنْكُمُ الشَّهْرَ فَلْیَصُمْهُؕ-وَ مَنْ كَانَ مَرِیْضًا اَوْ عَلٰى سَفَرٍ فَعِدَّةٌ مِّنْ اَیَّامٍ اُخَرَؕ-یُرِیْدُ اللّٰهُ بِكُمُ الْیُسْرَ وَ لَا یُرِیْدُ بِكُمُ الْعُسْرَ٘-وَ لِتُكْمِلُوا الْعِدَّةَ وَ لِتُكَبِّرُوا اللّٰهَ عَلٰى مَا هَدٰىكُمْ وَ لَعَلَّكُمْ تَشْكُرُوْنَ(۱۸۵)

 (پارہ: 2، سورۀ بقرہ: 185)

ترجمهٴ کنزُ العِرفان: د رمضان مياشت ده پۀ کومه کښې چې قرآن نازل کړے شو چې هغه د خلقو د پاره هدايت او رهنمائي ده او د فيصلې پۀ روښانه خبرو (مشتمل دے۔) نو پۀ تاسو کښې چې څوک دا مياشت ومومي نو ضرور دې د دې روژې ونيسي، او څوک چې بيمار وي يا پۀ سفر کښې وي نو دومره روژې دې پۀ نورو ورځو کښې ونيسي۔ الله پۀ تاسو اساني غواړي او پۀ تاسو سختي نۀ غواړي او (دا اسانۍ د دې د پاره دي) چې تاسو (د روژو) شمير پوره کړئ او د پاره د دې چې تاسو پۀ دې خبره د الله لوئي والے بيان کړئ چې هغۀ تاسو ته هدايت درکړو او چې تاسو شُکر ګُزار جوړ شئ۔

د رمضان تعريف

د دې آيت مبارک پۀ وړومبۍ حصه شَهرُ رَمضَانَ الذَّي د لاندې د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه پۀ تفسيرِ نعيمي کښې فرمائي: * رَمضَان يا خو د رحمان پۀ شان د الله پاک نوم دے چونکه  پۀ دې مياشت کښې شپه او ورځ د الله پاک عبادت کيږي۔ ځکه دې ته شَهرِ رَمضَان يعنې د الله پاک مياشت وئيلے شي۔ لکه څنګه چې جومات او کعبې ته د الله پاک کور وئيلے شي چې هلته هم د الله پاک کارونه کيږي۔ هم داسې رَمضَان د الله پاک مياشت ده ولې چې پۀ دې مياشت کښې هُم د الله پاک کارونه کيږي۔ روژه تراويح وغيره خو دي د الله پاک۔ خو د روژې پۀ حالت کښې چې کوم جائزه نوکري او جائز تجارت وغيره کولے شي هغه هم د الله پاک کارونه ګرځولے شي۔ ځکه د دې مياشت نوم رَمضَان يعنې د الله پاک مياشت ده۔ * يا دا د رَمضَاء نه مُشتَق