Book Name:Faizan e Ramazan
مياشت کښې د نورو مياشتو پۀ مقابله کښې نيکۍ زياتولے شي دغه شان د ګناهونو معامله هم ده۔ ([1])
خوږو او محترمو اِسلامي وروڼو! ولړزيږئ! د روژې د مياشتې د نا قدرۍ نه د بچ کيدو خاص انتظام اوکړئ۔ پۀ دې مبارکه مياشت کښې د نورو مياشتو پۀ مقابله کښې چې لکه څنګه نيکۍ زياتولے شي هم دغه شان د نورو مياشتو پۀ مقابله کښې د ګناهونو هلاکتونه هم زياتولے شي۔ د روژې پۀ مياشت کښې شراب څښلو والا او زِنا کولو والا خو داسې بد نصيبه دے چې که د راتلونکې روژې نه مخکښې مخکښې مړ شو نو بيا به د هغۀ سره هيڅ داسې نيکي نۀ وي کومه چې هغه د دوزخ د وور نه بچ کړے شي۔ ياد ساتئ چې د سترګو زِنا بد نظري، د لاسونو زِنا نا محرمه (يا پۀ شهوت سره اَمرَد [نا بالغه هلک]) له لاس وروړل دي لهذا خبردار! خبردار! خبردار! د روژې پۀ مياشت کښې پۀ خصوصيت سره خپل ځان د بد نظرۍ نه بچ ساتئ۔ تر خپله وسه پورې قفلِ مدينه ولګوئ يعنې د نظر ښکته ساتلو پوره کوشش اوکړئ۔ آه! ډير افسوس چې بعضې وخت نـمونځ ګزاره او روژه دار هم د رَمَضَانُ المُبَارَک پۀ سپکاوي کولو د قهار د قهر او د جبار د غضب ښکار کيږي او د وور پۀ عذاب کښې راګيريږي۔
يو ځل د مسلمانانو څلورم خليفه مولا علي شيرِ خُدا رَضِىَ اللهُ عَـنْهُ د قبرونو د زيارت د پاره د کوفې هديرې ته تشريف يوړلو۔ هلته يـې پۀ يو تازه قبر نظر پريوتو۔ د حضرت علي المُرتضیٰ رَضِىَ اللهُ عَـنْهُ د هغۀ د حالاتو معلومولو خواهش وشو۔ نو د الله پاک پۀ بارګاه کښې عرض اوکړو: يا الله پاکه! د دې مړي حالات پۀ ما باندې ظاهر کړې۔ د الله پاک پۀ بارګاه