Book Name:Faizan e Ramazan
د رَمَضَانُ المُبَارَک پۀ شپو کښې لوبې ټوقې
خوږو او محترمو اِسلامي وروڼو! د دې حکايت نه عبرت حاصل کړئ۔ آه! ډير افسوس چې د رَمَضَانُ المُبَارَک پۀ مبارکو شپو کښې ډير ځوانان پۀ محلو کښې کرکټ، فټ بال وغيره لوبې کوي، ښه شور شغرب کوي او داسې خو دا بد نصيبه پخپله د عبادت نه پۀ محرومه پاتې کيدو د نورو د پاره هم د ډيرې پريشانۍ سبب جوړيږي۔ نۀ خو پخپله عبادت کوي او نۀ نور عبادت ته پريږدي۔ داسې قِسمه لوبې د الله پاک نه غافله کوونکې دي۔ نيکان خلق خو د دې لوبو نه لرې اوسي۔ پخپله لوبې خو غټه خبره ده چې تماشه يـې هم نۀ کوي بلکې د داسې قِسمه لوبو پۀ سترګو ليدلے حال (Commentary) هم نۀ اوري۔ لهذا د دې حرکتونو نه هميشه بچ اوسيدل پکار دي او خاص طور د رَمَضَانُ المُبَارَک برکتي ساعتونه خو هيڅکله هم داسې بربادول نۀ دي پکار۔
پۀ روژه کښې د وخت تيرولو د پاره
ډير نادانه خلق داسې هم ليدلے کيږي کوم چې اګر که روژې خو نيسي خو بيا پۀ هٰغه خوارانو وخت نۀ تيريږي۔ نو هغوئي هم د رَمَضَانُ المُبَارَک احترام يو طرف ته کيږدې او په حرامو او نا جائزه کارونو کولو سره وخت تيروي او داسې پۀ رَمَضَانُ المُبَارَک کښې پۀ شَطرَنج، تاش، لډو، سندرو سازونو وغيره کښې مشغوليږي۔ ياد ساتئ چې پۀ شطرنج او تاش وغيره باندې که څۀ قِسمه شرط اونۀ لګولے شي نو بيا هم دا لوبه نا جائزه ده بلکې پۀ تاش کښې د ساه لرونکو تصويرونه هم وي ځکه اعلیٰ حضرت رَحْمَةُ اللهِ عَلَيْه تاش کولو ته مطلقاً حرام ليکلي دي۔ ([1])
گناہوں سے مجھ کو بچا یاالٰہی! بُری عادتیں بھی چُھڑا یاالٰہی!
خطاؤں کو میری مٹا یاالٰہی! مجھے نیک خَصلت بنا یاالٰہی!