Book Name:Faizan e Ramazan
خوږو او محترمو اِسلامي وروڼو! مسلمانانو د هوش نه کار واخلئ! د څو پورې به پۀ دې دُنيا کښې مزې کوئ؟ آيا مونږ به نۀ مړۀ کيږو؟ آيا پۀ دې دُنيا کښې به هميشه هم داسې ګرځو؟ ياد ساتئ چې يو نا يو ورځ به مرګ ضرور راځي او زمونږه تعلق به د ژوند سره ختم شي او د نرمو او د سکون والا پستو بسترو نه به خاورو ته ځو۔ د هر قِسمه عيش او ارام والا کمرو نه به تيارۀ قبرونو ته ځو، بيا به د پښيمانه کيدو نه علاوه هيڅ پۀ لاس نۀ راځي۔ اوس لا موقع شته، د ګناهونو نه رښتونې توبه کړئ او د روژې او د نـمونځ پابندي شروع کړئ۔
کرلے تَوْبَہ ربّ کی رحمت ہے بڑی
قبر میں ورنہ سزا ہوگی کڑی
د حضرت عبدُ الله ابنِ عباس رَضِىَ اللهُ عَـنْهُما نه روايت دے چې د نبيانو د سلطان، رحمتِ عالمِيان صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: بے شکه جَنَّت د روژې د مياشت د پاره د يو کال نه د بَل کال پورې ښائسته کولے شي، بس چې کله د روژې مياشت راشي نو جَنَّت وائي: اے الله پاکه! ما ته پۀ دې مياشت کښې پۀ خپلو بندګانو کښې (پۀ ما کښې) اوسيدونکي راعطا کړې، او حُورِ عين وائي: اے الله پاکه! پۀ دې مياشت کښې مونږ ته پۀ خپلو بندګانو کښې خاوندان راعطا کړې، بيا د مدينے سرکار صَلَّى اللهُ عَلَيْهِ وَاٰلِهٖ وَسَلَّم اِرشاد وفرمائيلو: چا چې پۀ دې مياشت کښې د خپل نفس حفاظت اوکړو چې نۀ يـې څۀ نشه ايز څيز وڅښلو او نۀ يـې پۀ چا مؤمِن باندې بهتان ولګولو او نۀ يـې پۀ دې مياشت کښې څۀ ګناه اوکړه نو الله پاک به د هرې شپې پۀ بدله کښې د هغه نکاح د 100 حُورو سره کوي او د هغه د پاره به پۀ جَنَّت کښې د سرو زرو، د سپينو زرو، ياقوتو او د زبرجدو داسې محل جوړوي چې که ټوله دُنيا راجمع شي او دې محل ته راشي نو د دې محل به دومره ځائے