سجدې پۀ عِوَض (يعنې بدله کښې) هغۀ ته (پۀ جَنَّت کښې) يوه داسې ونه عطا کولے شي د کومې پۀ سوري کښې چې پۀ اَس سور کس د 500 کالو پورې مزل کوي۔ ^([1])

سُبْحٰنَ اللہ! خوږو او محترمو اِسلامي وروڼو! د رَبِّ کريم څومره لوئي اِحسان دے چې هغۀ مونږ ته د خپل حبيبِ ذِيشان، رحمتِ عالَمِيان صَلَّى اللهُ عَلَيْهِ وَاٰلِهٖ وَسَلَّم پۀ برکت د رَمَضَانُ المُبَارَک مياشت راعطا کړه چې پۀ دې مبارکه مياشت کښې د جَنَّت ټولې دروازې برسيره کولے شي۔ او د نيکو اَجر ډير زياتولے شي۔ د بيان کړے شوي حديث مطابق د رَمَضَانُ المُبَارَک پۀ شپو کښې نـمونځ ادا کوونکي ته د هرې يوې سجدې پۀ بدله کښې 1500 نيکۍ عطا کولے شي او د جَنَّت عظيم الشان محل د دې نه علاوه۔ پۀ دې حديثِ مبارک کښې د روژه دارو د پاره دا لوئي زيرے هم موجود دے چې د سحر نه د ماښام پورې 70 زره فرښتے د هغوئي د پاره د بخښنې دُعاګانې کوي۔

5 خصوصي عنايتونه

د حضرت جابِر رَضِىَ اللهُ عَـنْهُ نه روايت دے چې د الله پاک د ټولو اخري نبي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: زما اُمَّت ته پۀ رَمَـضَان کښې پينځه څيزونه داسې عطا کړے شول کوم چې زما نه مخکښې بَل نبي عَلَیْهِ السَّلَام ته دې ميلاؤ شوي : (1): چې کله د رَمَضَانُ المُبَارَک وړومبۍ شپه راځي نو الله پاک د هغوئي طرف ته د رحمت پۀ نظر ګوري او چې کله الله پاک د چا طرف ته د رحمت نظر اوکړي نو هغۀ له به چرې هم عذاب ورنکړي۔ (2): د ماښام پۀ وخت د هغوئي د خُلې بوئي (کوم چې د لوږې پۀ وجه وي) د الله پاک پۀ نزد د مشکو نه هم بهتر دے۔ (3): فرِښتے هره شپه او ورځ د هغوئي د پاره د بخښنې دعاګانې کوي۔ (4): اللہ پاک جَنَّت ته حکم فرمائي چې زما د (نيکانو) بنده ګانو د پاره ښائسته شۀ ډير زر به هغوئي د دُنيا د مشقت نه زما پۀ کور او کرم کښې راحت بيامومي۔