راځئ چې د بيان اوريدو نه مخكښې څۀ ښۀ ښۀ نِيَّتونه وكړئ: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔

صَلُّو ْا عَلَي الْحَبيب!                                              صَلَّي الله عَلٰي مُحَمَّد

د خوږ آقا صَلَّى اللهُ عَلَيْهِ وَاٰلِهٖ وَسَلَّم بے مثاله سجده

د مسلمانانو خوږه مور جانه حضرت عائِشه صِدِّيقه طَيِّبَه طاهِره رَضِىَ اللهُ عَـنْها فرمائي، يو ځل د شپې وخت وو، کله چې نيمه شپه شوه نو نبي کريم صَلَّى اللهُ عَلَيْهِ وَاٰلِهٖ وَسَلَّم چرته تشريف يوړلو، زما سره فِکر شو، زۀ پاڅيدم او د ازواجِ مطهرات  پۀ حجرو کښې مې وکتو، نبي کريم صَلَّى اللهُ عَلَيْهِ وَاٰلِهٖ وَسَلَّم چرته هم پۀ نظر رانغلو، واپس چې کله خپلې حُجرې ته راغلم نو وه مې کتل، لکه څنګه چې کپړه پۀ زمکه باندې ايښودے شوې وي، هٰغه شان رسول الله صَلَّى اللهُ عَلَيْهِ وَاٰلِهٖ وَسَلَّم (د دُنيا او څۀ چې پۀ دې کښې دي د بے خبره کيدو سره) د الله پاک پۀ حُضُور کښې سر پۀ سجده کښې ايښودے دے، نبي کريم صَلَّى اللهُ عَلَيْهِ وَاٰلِهٖ وَسَلَّم سر پۀ سجده کښې ايښودے وو او وئيل يې :

سَجَدَ لَكَ خَيَالِي وَسَوَادِيْ، وَآمَنَ بِكَ فُؤَادِيْ، فَهٰذِهِ يَدِيْ وَمَا جَنَيْتُ بِهَا عَلَى نَفْسِيْ يَا عَظِيمُ يُرْجَى لِكُلِّ عَظِيمٍ، يَا عَظِيمُ اِغْفِرِ الذَّنْبَ الْعَظِيمَ، سَجَدَ وَجْهِي لِلَّذِي خَلَقَهُ وَشَقَّ سَمْعَهٗ وَبَصَرَهٗ

ترجمه: اے الله پاکه! ستا پۀ دربار کښې زما خيال او زما وجود سجده کړې ، پۀ تا باندې زما زړۀ ايمان راوړے ، دا لاسونه دي، پۀ کومو چې پۀ ځان باندې زياتے  شوے، اے د عظمت والا ربه! د کوم سره چې د هرې عظيمې خبرې طمع ساتلے شي، اے د عظمت والا ربه! لوئي ګناهونه اوبخښې، زما مولیٰ! زما مخ کوم چې تا پيدا کړے، پۀ دې باندې دې مخ او سترګې جوړې کړې، هٰغه مخ ستا پۀ دربار کښې پۀ سجده دے۔