د بخښنې نه محرومه خلق

(7): او چغل خور۔ ^{(^[1])}

د بعضو روايتونو مطابق * کاهِن (يعنې نجومي) * جادو ګر * د تکبر نه پينسې يا تهبند د ګِيټو نه لاندې زوړندونکے * د مسلمان سره بغير د شرعي اجازت نه بغض او کينه ساتونکے (يعنې پۀ زړۀ کښې پټه دښمني) لرونکے هم پۀ دې شپه د بخښنې د سعادت نه محرومه پاتې کيږي۔ ^{(^[2])}

خوږو او محترمو اِسلامي وروڼو! دا ټول 11 قِسمه خلق دي کوم چې پۀ شبِ براءَت کښې هم د بخښنې نه محرومه پاتې کيږي۔ اندازه ولګوئ چې دوئي پۀ شبِ براءَت کښې هم نۀ بخښلے کيږي نو بيا به دوئي کله بخښلے کيږي۔۔۔؟ ځکه مونږ له پکار دي چې مونږه خپله جائزه واخلو، پۀ خپل ګريوان کښې وګورو چې پۀ دې يولسو ګناهونو کښې که يوه ګناه هم پۀ مونږ کښې موجوده وي نو د شبِ براءَت د راتلو نه مخکښې مخکښې د هغې نه توبه کړو او د دې ګناهونو نه ځان پاک کړو چې دغه شان د بخښنې حقداران جوړ شو۔

(1): د شِرک نه ځان ساتئ!

وړومبۍ ګناه کومه چې انسان د بخښنې نه محرومه ساتي، هغه ده: شِرک۔ دا قاعده هميشه د پاره پۀ زړۀ کښې کښينوئ چې که هر څۀ کيږي، د کافِر او مشرک د پاره د قيامت پۀ ورځ بخښنه نشته او بس نشته، بس دا اخري خبره ده۔ الله پاک پۀ قرآنِ کريم کښې فرمائي:

اِنَّ اللّٰهَ لَا یَغْفِرُ اَنْ یُّشْرَكَ بِهٖ وَ یَغْفِرُ مَا دُوْنَ ذٰلِكَ لِمَنْ یَّشَآءُۚ (پارہ:5، سورۀ النسآء:48)

ترجمهٴ کنزُ العِرفان: بے شکه الله دا خبره نۀ بخښي چې د هغۀ سره شِرک اوکړے شي او د دې نه لاندې چې څۀ هم دي چا له چې وغواړي معاف به يـې کړي۔

معلومه شوه چې د مشرک د پاره هيڅکله هم بخښنه نشته۔

[1]... فضائلُ الْاَوقات، صفحہ:33، حدیث:36۔

[2]... آقا کا مہینا، صفحہ:11۔

Important

Mobile Apps

Contact Us