بے شکه پۀ دې شپه د نمر د پريوتو سره الله پاک د خپل شان مطابق د دُنيا پۀ اسمان جلوه ګر کيږي او اِرشاد فرمائي: * اَلَا مِنْ مُسْتَغْفِرٍ لِیْ  فَاَغْفِرَ لَہٗ شته څوک زما نه د بخښنې غوښتلو والا چې زۀ يـې معاف کړم * اَلَا مُسْتَرْزِقٌ فَاَرْزُقَہٗ شته څوک زرق غوښتلو والا چې زۀ هغۀ ته رزق عطا کړم * اَلَا مُبْتَلٰی فَاُعَافِیَہٗ شته څوک پريشانه چې زۀ د هغۀ پريشانۍ لرې کړم، شته څوک داسې، شته څوک داسې، د سحر کيدو پورې هم داسې اِعلان کيږي۔ ^([1])

سُبْحٰنَ اللہ! تاسو اندازه ولګوئ چې د دې نه به زيات رحمت او مهرباني نوره څۀ وي؟ زمونږ پۀ شان بد کردارو، ګنهګارانو، د سر نه د ښپو پورې پۀ ګناهونو کښې لت پت بندګانو ته د الله پاک رحمت اواز کوي چې راشئ۔۔۔!! بخښنه تقسيميږي، راشئ! بخښنه ويشلے کيږي، د چا چا چې بخښنه پکار ده، د الله پاک در ته دې حاضر شي۔ د بخښنې خيرات دې واخلي۔

مغفرت ڈھونڈتی پھرتی ہے گنہ گاروں کو        مہرباں کتنا ہے بندوں پہ خُدا آج کی رات

کوئی محروم نہ رہ جائے زمیں پر سائِل                            آسمانوں سے یہ آتی ہے صدا آج کی رات

د بخښنې نه محرومه خلق

خوږو او محترمو اِسلامي وروڼو! اندازه ولګوئ چې پۀ شبِ براءَت کښې څومره پۀ کثرت سره خلق بخښلے کيږي خو افسوس چې د هٰغه بد نصيبه د بد نصيبۍ اندازه څوک لګولے شي کوم چې پۀ دې مبارکه شپه کښې هم د بخښنې نه محرومه پاتې شي۔

د حديثونو مبارکو مطابق 7 قِسمه خلق دي کوم چې پۀ دې شپه  کښې هم د بخښنې نه محرومه پاتې کيږي: (1): مُشرِک ^([2]) (2): د شرابو عادت لرونکے (3): د مور او پلار نافرمانه (4): د زِنا عادت لرونکے (5): خپلولي پريښودونکے (6): تصویر جوړونکے