Book Name:Bakhshish Se Mehroom Log
د محبوب پۀ سجده دې پۀ لکونو سلامونه وي
خوږو او محترمو اِسلامي وروڼو! ايمان تازه کوونکے کوم روايت چي مونږه واوريدو، پۀ دې کښې د زده کولو د پاره ډير څۀ دي خو زۀ چې کوم طرف ته ستاسو پام راګرځول غواړم، هغه د محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم مبارکه او ښکلې سجده ده، تاسو غور اوکړئ چې دا څومره د کمال سجده ده، د دې سجدې کوم حالت چې سيده عائِشه صِدِّيقه رَضِىَ اللهُ عَـنْها بيان کړو، اوئې فرمائيل: كَالثَّوْبِ السَّاقِطِ ګويا پۀ زمکه باندې چې ايښودے شوې کپړه وي۔
يعنې خوږ محبوب صَلَّى اللهُ عَلَيْهِ وَاٰلِهٖ وَسَلَّم د خپل رَبّ پۀ دربار کښې د بندګۍ اِظهار فرمائي، هغوئي پۀ کمال جذبه کښې وو، حالت مبارک يـې دا وو چې د دُنيا او څۀ چې پۀ دُنيا کښې دي د دې نه بالکل بے نيازه، د خپل رَبّ پۀ حُضُور کښې ډير پۀ عاجزۍ سره حاضر وو، څه د ځان خيال نۀ وو، څه اهتمام نۀ وو، بس مکمل يـې ځان سپارلے وو، د هغوئي صرف وجود مبارک پۀ سجده کښې نۀ وو بلکې سر، دِماغ، زړۀ، خيال، سوچ هر څۀ د الله پاک پۀ حُضُور کښې پۀ سجده وو۔
سُبْحٰنَ اللہ! دا څومره عظيمه سجده وه۔۔۔!! مونږ اَلْحَمْدُ لِلّٰہ! مسلمانان يو، د الله پاک پۀ حُضُور کښې سجدې کوو خو زمونږ پۀ سجدو کښې ډيرې نخري وي، خلق د سجدې کولو پۀ وخت هم د جامو خيال ساتي چې د جامو استري ماته نۀ شي، تندے چې پۀ کوم ځائے لګول دي، هٰغه ځائے صفا وي چې خاوره ورپسې نۀ انښلي او سجده څومره کوو؟ بس زر زر درې کرته سُبْحٰنَ رَبِّیَ الْاَعْلیٰ ولولو او سر د سجدې نه راپورته کړو۔
کاش چې د محبوبِ کريم صَلَّى اللهُ عَلَيْهِ وَاٰلِهٖ وَسَلَّم پۀ وسيله مو د سجدو مزه نصيب شي۔
سجدے میں سکوں، سجدے میں مزہ سجدے میں چھپا اندازِ وفا
محروم رضائے مولیٰ سے سجدے سے جو سَر محروم رہا