يعنې زمونږ او د عامو اِنسانانو د پاره لفظ اِستعمال شو: خَلَقَ (د دې معنیٰ ده: پيدا کول)۔ د رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم د پاره لفظ اِستعمال شو: بَعَثَ د دې معنیٰ وي: راليږل۔ * دُنيا ته مونږ هم راغلو * دُنيا ته خوږ محبوب صَلَّى اللهُ عَلَيْهِ وَاٰلِهٖ وَسَلَّم هم تشريف راوړلو * بيا پۀ دې لفظونو کښې فرق ولې دے؟: ځکه چې د هغوئي راتلل بدل دي او زمونږ راتلل بدل * هغوئي د هدايت ورکولو د پاره راغلل او مونږ د هدايت اخستلو د پاره * هغوئي راغلل د ايمان ورکولو د پاره او مونږ راغلو د ايمان اخستلو د پاره * هغوئي راغلل د قرآن  ښودلو د پاره او مونږ راغلو د قرآن زده کولو د پاره * هغوئي د رَبِّ کريم د ټولو نه اعلیٰ نعمت دے کوم چې د تحفې او د اِحسان پۀ توګه مونږ ته راعطا کړے شوے دے۔ ^([1])

دِل جگمگا رہے ہیں قسمت چمک اُٹھی ہے                 پھیلا نیا اجالا صبحِ شبِ وِلادت

دِن پِھر گئے ہمارے، سوتے نصیب جاگے                خورشید ہی وہ چمکا صبحِ شبِ وِلادت^([2])

مفتي احمد يار خان نعيمي رَحْمَةُ اللهِ عَلَيْه پۀ دې ځائے کښې فرمائي: د نبي کريم   صَلَّى اللهُ عَلَيْهِ وَاٰلِهٖ وَسَلَّم دُنيا ته راتلل داسې دي لکه څنګه چې يو حاکِم د يو ځائے نه بل ځائے ته بدليږي ، د دې مطلب به دا نۀ وي چې هٰغه اَفسر هُم اوس پيدا کړے شوے دے، بلکې هغه موجود خو د مخکښې نه وو خو اوس يـې صرف ځائے بدل شوے دے، هُم داسې د اَوَّل او آخِر نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم نُور مبارک د ټول مخلوق نه مخکښې پيدا شوے وو، دُنيا ته د راتلو نه مخکښې نبي کريم صَلَّى اللهُ عَلَيْهِ وَاٰلِهٖ وَسَلَّم پۀ عالَمِ اَرواح کښې رسول وو، ټولو نبيانو ته يـې فيض ورکولو، لکه هٰغه وخت چې رسول الله صَلَّى اللهُ عَلَيْهِ وَاٰلِهٖ وَسَلَّم پۀ عالَمِ اَرواح کښې اوسيدو او د انبيائے کرامو علَيهِمُ السَّلام پۀ ذريعه يـې دُنيا ته خپل انوار او تجليات عطا کول، بيا رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم پخپله دُنيا ته تشريف راوړو او بلا واسطه يـې دُنيا ته عطا کول شروع کړل۔ ^([3])