کولے شي * او د دغه کور اوسيدونکے يو کَس چې کله وفات شي نو پۀ هغه باندې نَکِيرَين (يعنې قبر کښې د پوښتنو کوونکو فرښتو) پوښتنې اسانې کړے شي۔ ^([1]) * حضرت خواجه جنيد بغدادي رَحْمَةُ اللهِ عَلَيْه فرمائي: د ميلاد پۀ محفل شريف کښې د برخې اخستو او د دې محفل عزت او احترام کولو سره ايمان مضبوطيږي ^([2]) * علّامه قسطلاني رَحْمَةُ اللهِ عَلَيْه فرمائي: * د ميلاد کولو پۀ برکت سره ټول کال پۀ کور کښې امن وي * د مقصدونو حاصلولو د پاره ميلاد کوونکو ته خوشحالۍ ميلاؤيږي * د زړۀ مُرادونه پوره کيږي۔ ^([3])

تیرا کھاواں میں تیرے گیت گاواں یَا رسولَ اللہ         تیرا میلاد میں کیوں نہ مناواں یَا رسولَاللہ

مِيلاد کول جنَّت ته بوتلونکے کار دے!

حضرت سِرِّي سقطي رَحْمَةُ اللهِ عَلَيْه فرمائي: څوک چې د ميلاد محفل ته د تللو اراده وکړي، هغه پۀ اَصل کښې د جنّت باغونو ته د تللو اراده کوي، ځکه چې د ميلاد محفل صِرف او صِرف د رسول الله صَلَّى اللهُ عَلَيْهِ وَاٰلِهٖ وَسَلَّم د محبت پۀ وجه راجوړولے شي او د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم فرمانِ عالي شان دے چې: مَنْ اَحَبَّنِی کَانَ مَعِیَ فِی الْجَنَّۃِ څوک چې زما سره محبت وکړي، هغه به پۀ جنَّت کښې زما سره وي۔ ^([4])

د ميلاد شريف پۀ برکت يـې شِفَا نصيب شوه

  حضرت مياں غُلام حيدر رَحْمَةُ اللهِ عَلَيْه پۀ بلوچستان کښې يو بُزرګ تير شوے دے، د هغوئي يو مُريد وو، د هغه نوم وو: جمعه۔ د ډهاډر ښار اوسيدونکے وو، د هغه د علمائے کرامو د ليکلے شوؤ ميلاد نامو لوستو سره ډير شوق وو۔ يو ځل حضرت مياں غُلام حيدر رَحْمَةُ اللهِ عَلَيْه د څۀ کار د پاره ډهاډر ښار ته تشريف يوړلو، د هغوئي مُريدان د هغوئي سره د