کارونو پۀ برکت سره پۀ مسلمانانو باندې د الله پاک رحمتونه نازليږي۔ ^([1]) 

الله پاک فخر فرمائي

د اِسلام وړومبي بادشاه، اميرِ سلطنتِ مصطفٰے، عظيم صحابئ رسول حضرت اميرِ معاويه رَضِىَ اللهُ عَـنْهُ فرمائي: يو ځل صحابۀ کرامو عَليهمُ الرّضوَان حلقه جوړه کړې وه او ناست وو چې سرکارِ عالي وقار، مکي مدني تاجدار صَلَّى اللهُ عَلَيْهِ وَاٰلِهٖ وَسَلَّم تشريف راوړو، نبي کريم   صَلَّى اللهُ عَلَيْهِ وَاٰلِهٖ وَسَلَّم پوښتنه وکړه: مَا اَجْلَسَکُمْ؟ يعني اے زما صحابؤ! تاسو دلته حلقه جوړه کړي  ولې ناست يئ؟ عَرض يـې وکړو: جَلَسْنَا نَدْعُوْ اللہَ وَ نَحْمَدُہٗ عَلٰی مَا ہَدَانَا لِدِیْنِہٖ وَ مَنَّ عَلَیْنَا بِکَ يعنې (يَا رسولَ الله صَلَّى اللهُ عَلَيْهِ وَاٰلِهٖ وَسَلَّم!) الله پاک چې ستاسو د راليږلو سره پۀ مونږه باندې کوم اِحسان کړے دے، زمونږ يـې د دينِ اسلام هدايت نصيب کړے دے، مونږ پۀ دغه نعمت باندې د الله پاک حمد او ثنا بيانوو او دُعاګانې کوو۔

خوږ نبي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم بيا پوښتنه وکړه: آيا تاسو قسم خورۍ چې صرف د دې مقصد د پاره ناست يئ؟ عرض يـې وکړو: پۀ الله پاک مو دې قسم وي! مونږ صِرف د دې مقصد د پاره ناست يو۔ پۀ دې باندې رسولِ رحمت شفيعِ اُمَّت صَلَّى اللهُ عَلَيْهِ وَاٰلِهٖ وَسَلَّم وفرمائيل: ما (پۀ تاسو) باندې قسم دې د پاره اونۀ خوړو چې زما پۀ تاسو باندې څۀ شک وو بلکې معامله دا ده چې اوس اوس جبريلِ امين عَلَیْهِ السَّلَام  راغلے او اوئې وئيل چې يا رسولَ الله صَلَّى اللهُ عَلَيْهِ وَاٰلِهٖ وَسَلَّم! (ستاسو صحابۀ کرام رَضِىَ اللهُ عَـنْهُم ستاسو دنيا ته د راتلو پۀ خوشحالۍ کښې ناست دي او د الله پاک شکر ادا کوي او ) الله پاک د فرښتو پۀ مخکښې پۀ دوئي باندې فخر فرمائي۔ ^([2])

سُبْحٰنَ اللہ! خوږو او محترمو اسلامي وروڼو! د خوږ محبوب (صَلَّى اللهُ عَلَيْهِ وَاٰلِهٖ وَسَلَّم) دنيا ته تشريف راوړل پۀ خپل حق کښې د الله پاک عظيم اِحسَان منل او خپل مينځ کښې