دلته د کتاب نه مُراد دے: قرآنِ کريم او د حکمت يوه معنیٰ ده: سُنَّت او حديث۔ ^([1]) مطلب دا دے چې محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم خلقو ته د الله پاک د کتاب ښودلو، د حديثونو بيانولو او د خپلو سُنَّتو ښودلو د پاره تشريف راوړے دے۔

د قرآن د زده کولو صحيح انداز

خوږو او محترمو اِسلامي وروڼو! نن سبا د فتنو دور دے، پۀ خلقو کښې مسلسل  ناراستي راروانه ده ، پۀ بعضې خلقو کښې د قرآنِ کريم د زده کولو شوق راپيدا شي، ښه خبره ده خو دوئي د قرآنِ کريم د زده کولو د پاره د سوشل ميډيا نه کار اخلي، هٰغه خلق کوم چې پخپله جاهلان دي، د هغوئي پۀ ويډيوګانو کتلو، د هغوئي پۀ کلپونو اوريدو پۀ قرآنِ کريم باندې د ځان پوهه کولو کوشش کوي۔ ياد ساتئ چې قرآنِ کريم څۀ عام کتاب نۀ دے، پۀ دې باندې پوهيدل دومره اسان نۀ دي۔ پخپله غور وکړئ چې قرآنِ کريم هٰغه عظيم الشان کتاب دے چې د دې کتاب د ښودلو د پاره الله پاک اِمامُ الانبيا صَلَّى اللهُ عَلَيْهِ وَاٰلِهٖ وَسَلَّم راليږلے دے۔ واضحه خبره ده چې نصاب (Syllabus) چې څومره عظيم او د څومره لوئي کلاس وي، استاذ به هم هٰغه همره ماهر منتخب کولے شي، اوس ووايئ چې هٰغه عظيم کتاب د کوم د ښودلو د پاره، د زده کولو د پاره چې رَبِّ رحمان اِمامُ الانبيا   صَلَّى اللهُ عَلَيْهِ وَاٰلِهٖ وَسَلَّم راليږلے وي، آيا هٰغه کتاب به مونږ صرف د يو څو ويډيو کلپونو او د درې څلورو اُردو ترجمو پۀ لوستو زده کوو نو زده به يـې کړو؟ نا۔۔۔!! دا عظيم نصاب دے * د دي د زده کولو او پۀ دي د ځان پوهه کولو د پاره باقاعده د يوعاشقِ رسول عالِمِ دِين پۀ خِدمت کښې حاضريدل او د هغوي زده کول پکار دي * که د قرآنِ کريم د تفسير پۀ باره کښې ويډيوګانے وغيره کتل وي نو هغه هم د يوعاشقِ رسول مستند عالِمِ دِين ګورئ        * د عاشقانِ رسول علمائے کرامو ليکلے شوي تفسيرونه لولئ * اَلْحَمْدُ لِلّٰہ! دعوتِ اِسلامي تفسير صراط الـجنان مونږ ته راکړے دے، دا لولئ! * تفسير نُور العرفان لولئ!