دِين خور وو، چې يو نبي به تشريف يوړلو نو بَل نبي به تشريف راوړو، داسې لکه چې بني اسرائيل د سيدها کيښودے شوې شيشې پۀ شان وو، هغوئي ته صرف د نمر د رڼاګانو ضرورت وو کوم چې به د نبيانو پۀ تشريف راوړو پوره کيدو او د هغوئي زړونه به روښانه کيدل خو قربان شم! زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ځانګړے شان دے، نبي کريم صَلَّى اللهُ عَلَيْهِ وَاٰلِهٖ وَسَلَّم پۀ عربو کښې تشريف راوړو، د حضرت اسماعيل عَلَیْهِ السَّلَام پۀ اولاد کښې يـې تشريف راوړو، دا هٰغه خلق وو چې پۀ دوئي کښې د حضرت اسماعيل عَلَیْهِ السَّلَام نه پس يو نبي هم تشريف نۀ وو راوړے، دا خلق پۀ دِيني لحاظ سره پۀ ډيرو تيارو کښې وو، د دوئي سره نۀ د مذهب عِلم وو، نۀ د نبوت نه خبر وو، د دوئي مثال داسې دے لکه چې اُلټا کيښودے شوې شيشه وي، د الله پاک پۀ فضل سره د طيبه سپوږمۍ، رسولِ خُدا، احمدِ مجتبیٰ صَلَّى اللهُ عَلَيْهِ وَاٰلِهٖ وَسَلَّم پۀ داسې خلقو کښې تشريف راوړو او پۀ خپلو نُوراني رڼاګانو يـې د دوئي ړندې شيشې يعنې پۀ تيارو کښې ډوب شوي زړونه روښانه کړل۔ ^([1])

دن پھر گئے ہمارے سوتے نصیب جاگے                  خُورشید ہی وہ چمکا صُبحِ شبِ وِلادت^([2])

صَلُّوا عَلَی الْحَبیب!                               صَلَّی اللّٰہُ عَلٰی مُحَمَّد

د مِيلاد برکتونه

خوږو او محترمو اِسلامي وروڼو! دا يو آيت مبارک د کوم چې مونږه د اوريدو سعادت حاصل کړو، پۀ دې آيت کښې الله پاک د محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم دُنيا ته د تشريف راوړلو ته  لوئي اِحسان فرمائيلے دے او چې کله الله پاک اِحسان وکړي، د الله پاک نعمت حاصل شي نو مونږ ته څۀ کول دي؟ پۀ بل ځائے کښې الله پاک فرمائي: