Book Name:Sayyidon Ki Barkatain
د اهلِ بيتو نه مُراد څوک دي۔۔۔؟
خوږو او محترمو اِسلامي وروڼو! د دې آيت مبارک پۀ باره کښې دوه خبرې پۀ ذهن کښې کښينوئ! (1): د قرآنِ کریم پۀ سیاق و سباق (پۀ مخکښينو وروستنو آيتونو) کښې د اهلِ بيتو نه مُراد د خوږ خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پاکې بيبيانې دي۔ پۀ دې ځائے کښې هغوئي ته خطاب دے، هم هغوئي ته د پردې حکم کولے شي۔ ځکه د قرآنِ کريم پۀ رڼا کښې پۀ دې آيت کښې د اهلِ بيتو نه مُراد د خوږ محبوب صَلَّى اللهُ عَلَيْهِ وَاٰلِهٖ وَسَلَّم بيبيانې دي۔ (2): خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم * سَيِّده فاطمه * حضرت عليُّ المُرتضیٰ * حضرت اِمام حَسَن * او حضرت اِمامِ حُسَين رَضِىَ اللهُ عَـنْهُم (او نورو پاک اولاد) هم پۀ دې کښې شامل کړي دي ، ځکه د حديث شريف پۀ رڼا کښې پۀ دې فضيلت کښې اولاد مبارک هم شامل دي۔([1])
دويم آيت مبارک: پۀ 25 سپاره سورۀ الشُّوریٰ آيت نمبر 23 کښې ارشاد دے:
قُلْ لَّاۤ اَسْـَٔلُکُمْ عَلَیْہِ اَجْرًا اِلَّا الْمَوَدَّۃَ فِی الْقُرْبٰی ؕ
ترجمهٴ کنزُ العِرفان: تۀ وفرمايه: زۀ پۀ دې باندې تاسو نه څۀ معاوضه نۀ غواړم مګر د خپلوۍ محبت۔
علّامه بغوي رَحْمَةُ اللهِ عَلَيْه ليکلي دي: د دې آيت مبارک يوه معنٰی دا ده چې اے محبوبه صَلَّى اللهُ عَلَيْهِ وَاٰلِهٖ وَسَلَّم! تاسو وفرمايئ! (اے خلقو! زۀ تاسو ته دِين ښايم، ستاسو د دُنيا او د اخرت خيرونه تاسو ته درسووم) پۀ دې باندې زۀ ستاسو نه هيڅ قِسمه څۀ اَجر، هيڅ څۀ بدله نۀ غواړم، البته! زۀ تاسو ته د خپلولۍ د محبت نصيحت کووم۔ د دې نه معلومه شوه چې د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم محبت، د هغوئي د خپلوانو سره محبت