د سيدانو برکتونه

Al Quran Books Madani Channel

Magazine Courses Media

د هغوئي صرف زيارت کول هم د نفلي عبادت برابر دے۔ اَلْحَمْدُ لِلّٰہ!۔

الله پاک دې مونږ ته توفيق راعطا کړي، د الله پاک پۀ فضل سره سيدان صاحبان تقريباً پۀ ټوله دُنيا کښې موجود دي، دا هم د هغوئي خصوصي شان دے۔ يزيد پليد د سيدانو صاحبانو د دُنيا نه د ختمولو ناپاکه کوشش کړے وو خو هغۀ پخپله ختم شو، اَلْحَمْدُ لِلّٰہ! د اِمامِ حُسَين رَضِىَ اللهُ عَـنْهُ اولاد مبارک اوس هم پۀ ټوله دُنيا کښې موجود دے۔

قتلِ حسین اصل میں مرگِ یزید ہے اسلام زندہ ہوتا ہے ہر کربلا کے بعد

خير! سيدان صاحبان اَلْحَمْدُ لِلّٰہ! پۀ ټوله دُنيا کښې دي، مونږ له پکار دي چې د هغوئي د زيارت سعادت حاصلوو۔ که سيِّد صاحب بيمار شي نو د هغوئي د زيارت د پاره هم ځو او د دې نه علاوه هم وخت پۀ وخت د هغوئي د زيارت د پاره حاضريدل پکار دي۔

صحابۀ کرام او د اهلِ بيتِ اَطهار عَليهمُ الرّضوَان اَدب

د الله پاک د اخري نبي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم خوږ ترۀ کاکا جان حضرت عبَّاس رَضِىَ اللهُ عَـنْهُ (د اهلِ بيتو نه وو ځکه چې به هغوئي) بارګاهِ رسالت صَلَّى اللهُ عَلَيْهِ وَاٰلِهٖ وَسَلَّم ته حاضريدلو نو د مسلمانانو وړومبے خليفه عاشقِ اکبر، حضرت ابو بکر صِدِّيق رَضِىَ اللهُ عَـنْهُ به د احترام پۀ توګه د هغوئي د پاره ځائے پريښودو او ودريدلو به۔^{(^[1])}

پۀ روايتونو کښې دي: چي که داسې به وشو چې د خوږ آقا صَلَّى اللهُ عَلَيْهِ وَاٰلِهٖ وَسَلَّم خوږ ترۀ کاکا جان حضرت عباس رَضِىَ اللهُ عَـنْهُ به چرته پيدل تللو او حضرت عمر فاروقِ اعظم رَضِىَ اللهُ عَـنْهُ يا حضرت عثمانِ غني رَضِىَ اللهُ عَـنْهُ به پۀ سورلۍ د هغوئي پۀ خوا تيريدلو نو د هغوئي د تعظيم د پاره به د سورلۍ نه راکوزيدل، چې کله به حضرت عباس رَضِىَ اللهُ عَـنْهُ تير شو نو بيا به پۀ سورلۍ کښيناستل۔ ^{(^[2])}

[1]... معجم کبیر ، جلد:5، صفحہ:198، حدیث:10527۔

[2]... الاستیعاب ج ۲ ص ۳۶۰۔

Important

Mobile Apps

Contact Us