مونږ ته چې څۀ ميلاؤ شوي دي د هغوئي د نيکه بابا جان پۀ وسيله ميلاؤ شوي دي۔ ځکه مونږ له پکار دي چې د زړۀ د اخلاصه د هغوئي مدد وکړو۔ بلکې رښتيا خبره عرض کړم: د سيدانو صاحبانو چې کوم مقام او مرتبه ده، که د هغې مطابق وکتے شي نو مونږه د هغوئي خدمت هډو کولے نۀ شو۔ دا خو بس يوه وړه شان نذرانه ده کومه چې مونږه د هغوئي پۀ خدمت کښې پيش کولے شو۔

د سيِّد د نوم نذرانه

خواجه غُلام فريد رَحْمَةُ اللهِ عَلَيْه کوټ مټهن شريف والا، ډير لوئي بزرګ تير شوے دے، يو ځل چا د لندن نه يوه ګړۍ راوړه او هغوئي ته يـې پيش کړه، ډيره قيمتي ګړۍ وه، پۀ هغې کښې ډيرې آلې هم لګيدلي وې، د موسم پۀ باره کښې معلومات، د طوفان او زلزلې پۀ باره کښې معلومات او د قبلې اړخ وغيره هر څۀ د دې ګړۍ پۀ ذريعه معلوميدے شو، د هٰغه وخت پۀ لحاظ سره تقريباً د 25 نه تر 30 زرو روپو پورې قيمتي ګړۍ وه۔

يو ځل يو سيد صاحب وفرمائيل: دا ګړۍ ما له راکړئ! خواجه غُلام فريد رَحْمَةُ اللهِ عَلَيْه فوراً ګړۍ هغوئي ته پيش کړه۔ يو مُريد ورته عرض وکړو: حُضُور! دا خو ډيره قيمتي او نايابه ګړۍ وه، داسې ګړۍ به درته بيا ميلاؤ نشي۔ تاسو به سيد صاحب له څۀ پيسې  ورکړي  وے، ګړۍ به مو ورله نۀ ورکوله او هسې هم څۀ پته لګي چې هغۀ واقعي  سيد صاحب وو که نۀ؟ خواجه غُلام فريد رَحْمَةُ اللهِ عَلَيْه وفرمائيل: ما د سيِّد نوم (يعنې د لفظِ سيِّد) په ادب کښي  نذرانه پيش  کړه، د سيد ذات د نذرانې د پيش کولو طاقت پۀ ما کښې چرته دے۔۔۔؟ ^([1])

کیا پیش کروں تم کو کیا چیز ہماری ہے                                        یہ دل بھی تمہارا ہے یہ جاں بھی تمہاری ہے