کول پکار، بلکې د هغوئي پۀ خِدمت کولو خپل اخرت ښه کول دي۔ ځکه د هغوئي د زيارت د پاره حاضريږئ، د هغوئي خِدمت هم کوئ او که کيدے شي نو څۀ نا څۀ نذرانه ورته هم پيش کوئ۔ ظاهره ده چې زمونږ سره چې څۀ هم دي د هغوئي د نيکه بابا جان دي۔ چې مونږه د هغوئي د خدمت سعادت حاصل کړو نو اِنْ شَآءَ اللہُ الْکَرِیم! د هغوئي نيکه بابا جان به خوشحاله شي او زمونږه بيړۍ به پار کړي۔

د سيدانو صاحبانو د خِدمت اَجر

پۀ حديثِ پاک کښې دي: څوک چې د عبد المُطلب پۀ اولاد کښې د چا سره نيکي وکړي ‌فَعَلَيَّ ‌مُكَافَاتُهُ ‌غَدًا اِذَا ‌لَقِيَنِي پس چې کله هغۀ د قيامت پۀ ورځ زما سره ميلاؤ شي، زۀ به د دې صِله ورکووم۔^([1])

د دې حديثِ پاک لاندې اعلیٰ حضرت رَحْمَةُ اللهِ عَلَيْه 2 ډيرې د کمال خبرې ذِکر کړې دي (1): فرمائي: محبوبِ ذیشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي:   اِذَا لَقِیَنِیْ یعنې د قيامت پۀ ورځ چې کله هٰغه کَس زما سره ميلاؤ شي۔ د دې نه معلومه شوه چې کوم کَس د سيدانو صاحبانو سره ښيګړه وکړي، که ايمان سلامت يوسي نو د قيامت پۀ ورځ به د خوږ محبوب صَلَّى اللهُ عَلَيْهِ وَاٰلِهٖ وَسَلَّم د ملاقات سعادت ضرور حاصلوي۔^([2])

سُبْحٰنَ اللہ! خوږو او محترمو اِسلامي وروڼو! غور وکړئ چې دا څومره لوئي سعادت دے۔ د قيامت وحشت ناکه ورځ، ډيره سخته ګرمي، توده زمکه، وور وروونکے نمر، د قهر سره مخ کيدل، ورسره ورسره به د يو يو عمل حساب هم کيږي۔ اندازه ولګوئ چې پۀ داسې حالت کښې که د خوږ محبوب د ښکلي ښکلي مخ مبارک د ليدو، د خوږ محبوب د رحمت د جولۍ سعادت حاصل شي نو بيا نور څۀ پکار دي۔۔۔!! اِنْ شَآءَ اللہُ الْکَرِیم! هم د دې يو کرم سره به د قيامت ټول منزلونه اسان شي۔