Book Name:Sayyidon Ki Barkatain
سُبْحٰنَ اللہ! خوږو او محترمو اِسلامي وروڼو! مونږ له هم پکار دي چې مونږه هم د سيدانو صاحبانو سره نيک سلوک کوو۔ پۀ دې باره کښې د حضرت عمر فاروقِ اعظم رَضِىَ اللهُ عَـنْهُ چې کوم انداز دے، واقعي چې د کمال دے۔
د حضرت عمر فاروقِ اعظم رَضِىَ اللهُ عَـنْهُ بے کچه محبت
يو ځل حضرت اِمامِ حَسَن مجتبیٰ رَضِىَ اللهُ عَـنْهُ د حضرت عمر فاروقِ اعظم رَضِىَ اللهُ عَـنْهُ کور ته تشريف راوړو۔ چې کله ورسيدو نو مخکښي منظر څۀ داسې وو چې حضرت عمر فاروقِ اعظم رَضِىَ اللهُ عَـنْهُ پۀ کمره کښې دننه دے او څۀ خاص مصروفيت يـې وو د کوم پۀ وجه چې چا ته د دننه تللو اجازت نۀ وو۔ د حضرت عمر فاروقِ اعظم رَضِىَ اللهُ عَـنْهُ شهزاده حضرت عبد الله بن عمر رَضِىَ اللهُ عَـنْهما دننه د راتللو اجازت وغوښتو، هغوئي هم منع کړے شو۔
اِمامِ حَسَن مجتبیٰ رَضِىَ اللهُ عَـنْهُ چې کله دا وليدل نو پټ پټ يـې واپس تشريف وړلو۔ حضرت عمر فاروقِ اعظم رَضِىَ اللهُ عَـنْهُ چې کله د هغوئي د راتلو نه خبر شو نو فوراً يـې کور ته د تشريف راوړلو دعوت وليږلو۔ هغوئي تشريف راوړو۔ حضرت عمر فاروقِ اعظم رَضِىَ اللهُ عَـنْهُ پوښتنه وکړه: شهزاده حُضُور! واپس مو ولې تشريف يوړلو؟ اوئې فرمائيل: ما سوچ وکړو چې سَکه ځوي ته د دننه تللو اجازت نشته نو ما ته به ولې وي؟
دلته چې حضرت عمر فاروقِ اعظم رَضِىَ اللهُ عَـنْهُ کومه جمله ارشاد کړه، واقعي چې د کمال خبره ده، اِحسان منل دې ته وئيلے شي۔ هغوئي وفرمائيل:
اَنْتَ اَحَقُّ بِالْاِذْنِ مِنْہُ
يعنې تاسو زيات حق دار يـئ چې تاسو ته د تشريف راوړلو اجازت درکړے شي۔
ولې؟ اوئې فرمائيل: ځکه چې
وَھَلْ اَنْبَتَ الشَّعْرُ فِی الرَّاْسِ بَعْدَ اللہِ اِلَّا اَنْتُم
زمونږ پۀ سرونو باندې چې کوم ويښته دي، د الله پاک نه پس هم ستاسو په سبب