د بيان اوريدلو  نيتونه

پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے۔ ^([1])

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي۔ راځئ چې د بيان اوريدو نه مخكښې څۀ ښۀ ښۀ نِيَّتونه وكړئ: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔

صَلُّو ْا عَلَي الْحَبيب!                                                          صَلَّي الله عَلٰي مُحَمَّد

دوه آيتونه مبارک او د هغې وضاحت

خوږو او محترمو اِسلامي وروڼو! نن به مونږه اِنْ شَآءَ اللہُ الْکَرِیم! د اهلِ بيتِ اطهار، د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د خوږ اولاد مبارک ذِکرِ خير اورو۔ راځئ چې د برکت او د هدايت حاصلولو د پاره وړومبے د قرآنِ پاک دوه آيتونه او د هغې وضاحت واورو:

وړومبے آيت مبارک: پۀ 22 سيپاره، سُورۀ اَحزاب، آيت: 33 کښې الله پاک فرمائي:

اِنَّمَا یُرِیْدُ اللّٰہُ  لِیُذْھِبَ عَنْکُمُ الرِّجْسَ اَھْلَ الْبَیْتِ وَ یُطَہِّرَکُمْ  تَطْہِیْرًا (ۚ۳۳)

ترجمهٴ کنزُ العِرفان: اے د نبي اهلِ بيتو! الله خو هم دا غواړي چې تاسو نه هره ناپاکي لرې کړي او ښه صفا سوترا مو پاک کړي۔

دا ډير مشهور آيت مبارک دے، دې ته آيتِ تطهير وائي يعنې هٰغه آيت مبارک پۀ کوم کښې چې د اهلِ بيتِ اَطهار پاکي بيان شوې ده۔ د دې آيت طرف ته پۀ اِشاره کولو د اعلیٰ حضرت رَحْمَةُ اللهِ عَلَيْه ورور  مولانا حسن رضا خان رَحْمَةُ اللهِ عَلَيْه فرمائي:

اُن کی پاکی کا خُدائے پاک کرتا ہے بیاں                                                          آیۂ تَطْہِیر سے ظاہِر ہے شانِ اَہْلِ بیت