اَلۡحَمۡدُ لِلّٰہِ رَبِّ الۡعٰلَمِیۡنَ وَالصَّلٰوۃُ وَالسَّلَامُ عَلٰی خَاتَمِ النَّبِيِّيْنَ

اَمَّا بَعۡدُ فَاَعُوۡذُ بِاللّٰہِ مِنَ الشَّیۡطٰنِ الرَّجِیۡمِ بِسۡمِ اللّٰہِ الرَّحۡمٰنِ الرَّحِیۡمِ

نیک اعمال

دُرود شریف کی فضیلت

اللہ پاک کے آخری نبی  صلی اللہ علیہ و اٰلِہ وسلم  نے فرمایا: جو دس مرتبہ صبح اور دس مرتبہ شام مجھ پر دورد پڑھے گا ، قیامت کے د ن اسے میری شفاعت نصیب ہوگی۔ ^([1])

صَلُّوْا عَلَی الْحَبِیْب!                   صَلّی اللہُ عَلٰی مُحَمَّد

قرآن کا حکم اور اعمال کا محاسبہ

پیارے اسلامی بھائیو! اپنے اعمال کا محاسبہ کرنا اور اپنی آخرت کے بارے میں غور وفکر کرنا شریعت کو مطلوب اور حکمِ قرآنی پر عمل ہے۔ چنانچہ ارشادِباری تعالیٰ ہے :

یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ لْتَنْظُرْ نَفْسٌ مَّا قَدَّمَتْ لِغَدٍۚ- (پ28،الحشر:18)

ترجَمۂ کنز العرفان: اے ایمان والو! اللہ سے ڈرو اور ہر جان دیکھے کہ اس نے کل کے لیے آگے کیا بھیجا ہے۔

اس آیتِ کریمہ میں فرمایاگیاکہ: اپنا مُحاسَبہ کرلو،اس سے پہلے کہ تمہارا مُحاسَبہ کیا جائے اور غور کرو کہ تم نے قیامت کے دن اللہ پاک کی بارگاہ میں پیش کرنے کے لئے نیک اَعْمال کا کتنا ذخیرہ جمع کیا ہے۔^([2])تفسیر صِراطُ الجنان میں ہے:اس آیت سے معلوم ہواکہ ایک گھڑی غورو