ښيګړي وعده د مخكښې نه شوې ده هغوئي به د دوزخ نه لرې ساتلے کيږي (۱۰۱) هغوئي به د هغې کمزورے شان آواز هُم نه اوري او هغوئي به د خپل زړه د خوښې په نعمتونو کښې هميشه اوسيږي (۱۰۲) هغوئي به د ټولو نه زياته ويره نه غمژن کوي او فرښتے به د هغوئي استقبال کوي چې دا ستاسو هٰغه ورځ ده د کومې به چې تاسو سره وعده کيدله (۱۰۳)

په دې آيت مبارک کښې اووئيلے شو چې د چا سره الله پاک د حُسْنٰی وعده فرمائيلې ده، هغوئي له به 5 فضيلتونه ورکولے شي: (1): هغوئي به د دوزخ نه لرې ساتلے کيږي (2): هغوئي به د دوزخ لږ شان آواز هم نه اوري (3): هغوئي به د خپلې خوښې په مرادونو کښې د هميشه د پاره وي (4): د قيامت په لويه ويره کښې به د هغوئي سره هيڅ ويره نه وي (5): فرښتے به د دې وئيلو سره د هغوئي استقبال کوي چې : دا ده هٰغه ورځ د کومې چې ستاسو سره وعده شوې وه.

د دې دواړو آيتونو نه معلومه شوه: چې د صحابۀ کرامو عَليهمُ الرّضوَان سره د حُسْنٰی وعده شوې ده، ځکه د ټولو صحابۀ کرامو دا شان دے چې هغوئي به د دوزخ نه لرې ساتلے کيږي، د دوزخ لږ شان آواز به هم نه اوري، هميشه به د خپلې خوښې په مُرادونو