دروازه اوډبولے شوه، په دې ځل د غيبو د خبرو نه خبر نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: اِفْتَحْ لَہٗ وَ بَشِّرْہُ بِالْجَنَّۃِ عَلیٰ بَلْویٰ تُصِیْبُہٗ يعنې دروازه برسيره کړه او راتلونکي ته اووايه چې يو مصيبت کوم چې به ده ته رَسي، د هغې نه پس دا جَنَّتي دے.

حضرت ابو موسیٰ رَضِىَ اللهُ عَـنْهُ فرمائي: ما دروازه برسيره کړه نو حضرت عثمانِ غني رَضِىَ اللهُ عَـنْهُ وو، ما هغوئي له هم د جَنَّت زيرے ورکړو او دا مې ورته هم اووئيل چې نزدې ده چې هغوئي ته به يو امتحان پيښيږي، حضرت عثمانِ رَضِىَ اللهُ عَـنْهُ د جَنَّت په زيري ميلاويدو د الله پاک شکر ادا کړو او اوئې وئيل: اللہ الْمُسْتَعَانُ الله مددګار دے (يعنې ما ته چې به کوم مصيبت رارسي، د الله پاک په مدد سره به اِنْ شَآءَ اللہ الْکَرِیم! زه په هغې کښې کاميابيږم).

           خوږو او محترمو اسلامي وروڼو! دا حديثِ پاک کوم چې اوس مونږ واوريدو، دا په بُخاري شريف کښې 6 ځله ذِکر شوے دے، هم دغسې دا حديثِ پاک په نورو ډيرو کتابونو کښې هُم موجود دے، د دې حديثِ پاک نه 2 خبرې معلومې شوې: (1): [يوه خبره دا چې] اَلْحَمْدُ لِلّٰہ! د مسلمانانو وړومبے، دويم او دريم خليفه حضرت ابوبکر، عمر فاروق او عثمانِ غني رَضِىَ اللهُ عَـنْهُم جَنَّتيان دي.

خوږو او محترمو اسلامي وروڼو! په دې حديثِ پاک کښې د خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم د 3 خوږو ملګرو ذِکر شوے دے، راځئ چې د دوئي صَلَّى اللهُ عَلَيْهِ وَاٰلِهٖ وَسَلَّم د څلورم ملګري يعنې د مسلمانانو د څلورم خليفه حضرت عليُّ الْـمُرْتَضٰی رَضِىَ اللهُ عَـنْهُ ذِکرِ خير هم واورو، حضرت سعيد بن زيد رَضِىَ اللهُ عَـنْهُ فرمائي: ما د رسولُ الله صَلَّى اللهُ عَلَيْهِ وَاٰلِهٖ وَسَلَّم