Book Name:Faizan e Imam Hasan Basri
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف ( ترجمہ : میں نے سُنَّت اعتکاف کی نِیَّت کی )
علّامہ قُرطبی رَحمۃُ اللہ عَلَیْہ لکھتے ہیں : ایک مرتبہ ایک عورت نے مشہور وَلیُّ اللہ حضرت امام حَسَن بَصْری رَحمۃُ اللہ عَلَیْہ کی خدمتِ بابَرَکت میں حاضِر ہو کر عَرض کیا : میری جوان بیٹی فوت ہو گئی ہے ، کوئی طریقہ اِرشاد فرمائیےکہ میں اُسے خواب میں دیکھ لوں۔ آپ رَحمۃُ اللہ عَلَیْہ نے اُسے عمل بتا دیا۔اُس نے اپنی مرحومہ بیٹی کو خواب میں تو دیکھا مگر اِس حال میں کہ اُس کے بدن پر تارکول یعنی ڈامر ( Asphalt ) کا لباس ، گردن میں زنجیر اور پاؤں میں بَیڑیاں ( Shackles ) تھیں ! یہ ہولناک منظر دیکھ کر وہ عورت کانپ اُٹھی ! اُس نے دوسرے دن یہ خواب امام حَسَن بَصْری رَحمۃُ اللہ عَلَیْہ کو سنایا ، خواب سن کرآپ رَحمۃُ اللہ عَلَیْہ بَہُت غمگین ہوئے۔کچھ عرصے بعد حضرت حَسَن بَصْری رَحمۃُ اللہ عَلَیْہ نے خواب میں ایک لڑکی کو دیکھا ، جو جنّت میں ایک تَخْت پر تاج سجائے بیٹھی تھی ۔ آپ کو دیکھ کر وہ کہنے لگی : میں اُسی خاتون کی بیٹی ہوں ، جس نے آپ کو میری حالت بتائی تھی ۔ آپ رَحمۃُ اللہ عَلَیْہ نے فرمایا : اس کے کہنے کے مطابق تو تُم عذاب میں تھی ، آخِر یہ انقِلاب کس طرح آیا ؟ مرحومہ بولی : قبرِستان کے قریب سے ایک شخص گزرا اور اس نے مصطفےٰ جانِ رَحمت ، شمعِ بزمِ ہدایت صَلَّی اللہ عَلیہ وَآلہٖ و َسَلَّم پر درود بھیجا ، اُس کے درود شریف پڑھنے کی