Book Name:Shan e Ali Bazban e Nabi
(حديث:1 ) د چا چې زه مولا يم، د هغه علـي مولا دے
د حَجَّةُ الوَداع موقع وه (زمونږ خوږ آقا صَلَّى اللهُ عَلَيْهِ وَاٰلِهٖ وَسَلَّم په خپل ظاهري ژوند كښې چې كوم آخري حج ادا كړے وو هغې ته حَجَّةُ الوَداع وئيلے كيږي) په دې موقع باندې خوږ آقا صَلَّى اللهُ عَلَيْهِ وَاٰلِهٖ وَسَلَّم د حج ادا كولو نه پس مدينې مُنَوَّرې ته تشريف وړلو، په لاره كښې يو مقام راځي چې هغې ته غَدِيرِ خُم وائي. حضرت براء بِن عازِب رَضِیَ اللهُ عَنْهُ فرمائي: د غَدِيرِ خُم په مقام باندې رسولِ اكرَم صَلَّى اللهُ عَلَيْهِ وَاٰلِهٖ وَسَلَّم قيام اوفرمائيلو. د يوې ونې په سوري كښې د خوږ آقا صَلَّى اللهُ عَلَيْهِ وَاٰلِهٖ وَسَلَّم د پاره ځائ پاك كړے شو، هلته خوږ آقا صَلَّى اللهُ عَلَيْهِ وَاٰلِهٖ وَسَلَّم د ماسپخين لمُونځ ادا كړو، د لمَانځه نه پس د الله پاك حبيب صَلَّى اللهُ عَلَيْهِ وَاٰلِهٖ وَسَلَّم صحابۀ كرامو عَلَيْهِمُ الرِّضْوان ته مخاطَب شو اوئې فرمائيل: اَلَسْتُمْ تَعْلَمُوْنَ اَنِّی اَوْلٰی بِالْمُؤْمِنِیْن مِنْ اَنْفُسِہِم يعني (اے زما صحابوو!) آيا تاسو نه پوهيږئ چې زه د مسلمانانو د هغوئي د ځانونو نه زيات مالِك يم. صحابۀ كرامو عَلَيْهِمُ الرِّضْوان عرض اوكړو: بَلٰـی ولے نه (يَـا رَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! يقيناً تاسو زمونږ نه زيات زمونږ د د ځانونو مالك ئې) د الله پاك نبـي صَلَّى اللهُ عَلَيْهِ وَاٰلِهٖ وَسَلَّم بيا اوفرمائيل: اَلَسْتُمْ تَعْلَمُوْنَ اَنِّی اَوْلٰی بِکُلِّ مُؤْمِنٍ مِنْ نَفْسِہٖ آيا تاسو نه پوهيږئ چې زه د مسلمانانو د هغوئي د ځانونو نه زيات مالِك يم. صحابۀ كرامو عَلَيْهِمُ الرِّضْوان عرض اوكړو: بَلٰـی ولے نه (يَـا رَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! يقيناً تاسو زمونږ نه زيات زمونږ د ځانونو مالك