Book Name:Shan e Ali Bazban e Nabi
ئې) بيا خوږ آقا صَلَّى اللهُ عَلَيْهِ وَاٰلِهٖ وَسَلَّم د خپل خوږ صحابي، د حسنَينِ كريمَين والدِ محترَم حضرت علـي رَضِیَ اللهُ عَنْهُ لاس په خپل مبارك لاس كښې اونيولو او اوئې فرمائيل: مَنْ کُنْتُ مَوْلَاہُ فَعَلِـیٌ مَوْلَاہُ د چا چې زه مولا يم، د هغه علـي (رَضِیَ اللهُ عَنْهُ) مولا دے. بيا خوږ آقا صَلَّى اللهُ عَلَيْهِ وَاٰلِهٖ وَسَلَّم دُعا اوكړه: اَللّٰہُمَّ وَالِ مَنْ وَالَاہُ وَ عَادِمَنْ عَادَاہُ اے الله پاكه! څوك چې د علـي (رَضِیَ اللهُ عَنْهُ) سره محبت اوكړي، ته د هغه سره محبت اوكړې او څوك چې د علـي (رَضِیَ اللهُ عَنْهُ) سره دُښمني ساتي، ته د هغه سره دُښمني اوفرمائې. [1]
سُبْـحٰـنَ الـلّٰـه! سُبْـحٰـنَ الـلّٰـه! اے عاشِقانِ رسول! په دې حديثِ پاك كښې سركارِ مدينه صفا صفا اوفرمائيل چې حضرت عَلِـىُّ المُرتَضٰى رَضِیَ اللهُ عَنْهُ د هر مسلمان مولٰـى دے. حكيمُ الاُمَّت حضرت مفتی احمد یار خان نعيمي رَحْمَةُ اللهِ عَلَيْه فرمائي: دلته د وَلِـي(يعني مولٰى) معنٰى خليفه نه ده بلكه دوست يا مددګار معنٰى ده. يعني زمونږ د خوږ آقا صَلَّى اللهُ عَلَيْهِ وَاٰلِهٖ وَسَلَّم د فرمان مبارك مطلب دا دے چې د چا زه محبوب او مددګار يم، د هغه علـى هم دوست، محبوب او مددګار دے.[2]
اے عاشِقانِ صحابه و اهلِ بَيت! د دې نه دا هم معلومه شوه چې يَـا عَلِـي مَدد وئيل بالكل جائز دي ځكه چې زمونږ خوږ آقا، نُورِ خُدا تر قيامته پورې د راتلونکو مسلمانانو مولٰى (يعني محبوب او مددګار) دے، ځکه