خوږو او مُحترمو اسلامي ورونړو! ښه نِيَّت افضل ترين عمل دے. راځئ! د ثواب حاصلولو د پاره د بيان اوريدلو نه مخكښې ښه ښه نِيَّتونه اوكړو: نِيَّت اوکړئ چې * نظر به ښكته ساتم او ښه په غور به بيان اورم * چې څومره كيدے شي د ډډې وهلو په ځائے به د عِلمِ دِين د تعظيم [يعني ادب] په نِيَّت د اَلتَّحِيَّات په شكل كښې كښينم * د ضرورت په توګه به راغونډ كښينم او نورو ته به ځائ فراخه كووم  * كه څوك راته څه تكليف را اُورَسَوي نو صبر به كووم * چا ته به د نيغ نيغ كتلو نه ځان بچ ساتم * د بيان نه پس به پخپله ورمخكښې كيږم او سلام به كووم * كه قلم كاغذ درسره وي نو د اهمو نكاتو نوټ كولو نِيَّت هم اوكړئ.

صَـــلُّـــوْا  عَـــلَـی   الْــحَـــبِــيْــب!                             صَـلَّـی اللهُ   تَعالٰـی عَلـٰی   مُـحَـمَّد

د حضرت علـي رَضِیَ اللهُ عَنْهُ راضي كولو طريقه

       حضرت عَلَّامه مُحِبُّ الدِّىن طَبري رَحْمَةُ اللهِ عَلَيْه روايت ذِكر كوي، د هغې مضمون څه داسې دے چې د مسلمانانو څلورم خليفه حضرت عَلِـىُّ المُرتَضٰى رَضِیَ اللهُ عَنْهُ د خلافت زمانه وه، يوه ورځ هغوئي رَضِیَ اللهُ عَنْهُ بازار ته تشريف يوړلو، هغوئي رَضِیَ اللهُ عَنْهُ اوليدل چې يو زنانه ولاړه ده او ژاړي، حضرت عَلِـىُّ المُرتَضٰى رَضِیَ اللهُ عَنْهُ د هغې نه د ژړا سبب اوپوښتلو نو اوئې وئيل: زه وينزه يم، ما د فلانکي دُكاندار نه د يو څو درهمو كجورې اخستې وې خو زما مالك هغه خوښې نه كړې او هغه ئې واپس كړې، اوس دُكاندار كجورې واپس نه اخلي، په دې وجه پريشانه يم. حضرت