صَلُّوْا عَلَی الْحَبِیْب!                                               صَلَّی اللہُ  عَلٰی مُحَمَّد

فرمانِ مصطفےٰ صَلّی اللہُ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ⁽[1]⁾ اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! * عِلْم سیکھنے کے لئے پورا بیان سُنوں گا  *  با اَدب بیٹھوں گا * دورانِ بیان سُستی سے بچوں گا  * اپنی اِصْلاح کے لئے بیان سُنوں گا  * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب!                                            صَلَّی اللہُ عَلٰی مُحَمَّد

 پیارے پیارے اسلامی بھائیو! سترہ (17) رمضانُ المبارَک اُمُّ المومنین حضرت عائشہ صِدِّیقہ رَضِیَ اللہُ  عَنْہَا کا یومِ وِصال ہے ، لہٰذا اسی مُناسبت سے آج حضرت  عائشہ صِدِّیقہ رَضِیَ اللہُ  عَنْہَا   کا ذِکرِ خیراور بالخُصُوص آپ رَضِیَ اللہُ  عَنْہا  کی علمی شان سُننے کی سعادت حاصل کریں گے ۔ اللہ پاک کے فضل و کرم سے حضرت  عائشہ صِدِّیقہ رَضِیَ اللہُ  عَنْہَا زُہدو تقویٰ ، سَخاوَت اور عبادت ورِیاضت جیسی بہت سی عُمدہ خوبیوں کے ساتھ ساتھ بہت سے عُلُوم و فُنُون میں بھی اپنی مثال آپ تھیں۔ جیساکہ

 حضرت عائشہ  رَضِیَ اللہُ  عَنْہا  کی فقہی و طِبّی مہارت

حضرت  عُرْوَہ بن زبیر رَضِیَ اللہُ  عَنْہُمَا  جوکہ حضرت  عائشہ صِدّیقہ رَضِیَ اللہُ  عَنْہا کے بھانجے (اور آپ رَضِیَ اللہُ  عَنْہَا کی بہن حضرتِ اَسْماء رَضِیَ اللہُ  عَنْہَا کے بیٹے )ہیں ، اِن کا بیان ہے کہ فقہ وحدیث کے علاوہ میں نے حضرت  عائشہ