وہ سلامت رہا قیامت میں           پڑھ لئے جس نے دِل سے چار سلام^([1])

صَلُّوا عَلَی الْحَبیب!                                                           صَلَّی اللّٰہُ عَلٰی مُحَمَّد

بیان سننے کی نیتیں

مُعْجَمِ کَبِیْر کی حدیثِ پاک ہے : نِیَّۃُ الْمُؤْمِنِ خَیْرٌ مِّنْ عَمَلِہٖ مؤمن کی نیت اس کے عمل سے بہتر ہے۔ ^([2]) پیارے اسلامی بھائیو! یاد رکھئے! جتنی اچھی نیتیں زیادہ ہوں ، ثواب بھی زیادہ ملتا ہے ، لہٰذا بیان سننے سے پہلے اچھی اچھی نیتیں کر لیجئے! مثلاً *عِلْمِ دین سیکھنے کی نیت کر لیجئے*خوب توجہ سے بیان سننے کی نیت کیجئے *دورانِ بیان اِنْ شَآءَ اللہُ الْکَرِیْم! قرآنی آیات اور اَحادیث پڑھی جائیں گی ، انہیں سننے کی نیت کر لیجئے *اِنْ شَآءَ اللہُ الْکَرِیْم! نیک لوگوں کا ذِکْر ہو گا اور نیک لوگوں کے ذِکْر کے وقت رحمت اُترتی ہے ، یہ رَحْمَت حاصِل کرنے کی نیت کر لیجئے۔ اس کے عِلاوہ بھی حَسْبِ حال اچھی اچھی نیتیں کی جا سکتی ہیں۔

صَلُّوْا عَلَی الْحَبیب!                                                           صَلَّی اللّٰہُ عَلٰی مُحَمَّد

پارہ : 11 ، سورۂ توبہ ، آیت : 119 میں اللہ پاک فرماتا ہے :

یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ كُوْنُوْا مَعَ الصّٰدِقِیْنَ(۱۱۹)

ترجمہ کنز الایمان : اے ایمان والو! اللہ سے ڈرو اور سچوں کے ساتھ رہو۔

پیارے اسلامی بھائیو! اس آیتِ کریمہ میں اللہ پاک نے ہم ایمان والوں کو 2 حکم