یعنی بے شک دُعا زمین وآسمان کے درمیان ٹھہری رہتی ہے اور اُس سے کوئی چیز اُوپر کی طرف نہیں جاتی ، جب تک تم اپنے نبی صَلَّی اللّٰہُ عَلَیْہِ واٰلِہٖ وَسَلَّمَ پردُرُودِ پاک نہ پڑھ لو۔ (ترمذی ، کتاب الوتر ، باب ماجآء فی فضل الصلوۃ…الخ ، ۲ / ۲۸ ، حدیث : ۴۸۶)

صَلُّوْا عَلَی الْحَبِیْب!                                           صَلَّی اللّٰہُ  عَلٰی مُحَمَّد

فرمانِ مصطفےٰ  صَلّی اللہُ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے!مثلاً نیت کیجئے! *عِلْم سیکھنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                           صَلَّی اللّٰہُ  عَلٰی مُحَمَّد

پیارے پیارے اسلامی بھائیو!آج کے ہمارے بیان کا موضوع ہے “ صلح کے فضائل “ جس میں ہم سنیں گے کہ جنتی محلات کسے ملیں گے؟صُلْحُ کے بارے میں آیتِ مبارکہ اور فرامینِ رسول ، جنت کی جھلکیاں ، روٹھا ہوا شخص کیسے مانا ، نیکی کی دعوت دینے کے فائدے ، سرمایہ دار اللہ والا کیسے بنا ، جنت میں کون کون جائے گا ، اللہ والوں کی نماز سے مَحَبَّت کے واقعات اور اس کے علاوہ کئی نکات بیان کئے جائیں گے۔ اے کاش! ہمیں سارا بیان  اچھی  اچھی نیتوں کےساتھ سننا نصیب