لـمونځ ادا كولو چه يو مار راغے، هغه [مار[ زما د سجدے په ځائے باندے سر كيښودو او خُله ئے وازه كړه، ما هغه لرے كړو او سَجده مے اوكړه خو هغه زما څټ نه تاو شو. بيا هغه زما يو لِستونړى كښې ننوتو او بل نه اُووتلو. لـمونځ پوره كولو نه پس چه ما سلام اوګرځولو نو هغه غائب شو. دويمه ورځ بيا زه هغه جُمات ته داخل شوم نو د غټو غټو سترګو والا يو سړے مے اوليدلو، ما ته اندازه اوشوه چه دا كس انسان نه دے بلكه يو پيرے دے. هغه پيري ما ته اُووئيل چه زه هُم هغه مار يم چه پرون مے تاسو تنګ كړي وئ. ما د مار په شكل كښې د ډيرو اولياءِ كرامو رَحِمَهُمُ الـلّٰـهُ  تَعَالٰی ازميښت اغستے دے خو ستاسو په شان ثابِت قدم مے يو هُم نه دے ليدلے. بيا هغه پيري د هغوئي رَحْمَةُ اللهِ عَلَيْه په لاس مبارك توبه اوكړه. (بَھجۃ الاسرار،ص،۱۶۹)

      الله پاك دِ مونږه په حقيقي معنو كښې د حُضُورِ غوثِ پاك رَحْمَةُ اللهِ عَلَيْه غُلامان او د هغوئي په سِيرت باندے عمل كوونكي جوړ كړي. اٰمِين بِجَاهِ النَّبِىِّ الْاَمِين  صَلَّى اللهُ عَلَيْهِ وَاٰلِهٖ وَسَلَّم

اے عاشقانِ غوثِ اعظم! مونږه د رَبِيعُ الْآخِر د مياشتے په باره كښې بيان اوريدلو، حضرت شاه كليمُ الله جهان آبادي رَحْمَةُ اللهِ عَلَيْه فرمائي: څوك چه د دے مياشت (يعني د رَبِيعُ الْآخِر) په شپږم، دولسم، شلم او شپږ ويشتم تاريخ روژه اونيسي نو هغه ته به بيحده ثواب ملاويږي. (مرقع کلیمی،ص۱۹۸)  لِـهذا مونږ ته پكار دي چه دے مياشت كښې د ثواب خزانے حاصلولو د پاره ډيرے نفلي روژے اونيسو. ياد ساتئ چه د رَبِيعُ الْآخِر روژے نه فرض دي نه واجِب بلكه نفلي روژے دي [او نه د دے روژو د غوثِ پاك سره څه تَعَلُّق دے خو ثواب ئے