هُم دغسے د نفلي لـمونځونو په ذريعه هُم مونږه په آسانئ سره د دے مياشتے بَرَكتونه حاصلولے شو. مونږ ته پكار دي چه په دے مياشت كښې هُم ډير ډير نفلونه ادا كړو، د اِشراق او څاښت نفلونه ادا كړو. د دے فضائل هُم ډير عاليشان دي، راځئ چه د دے د فضائلو په باره كښې يو څو فرامِينِ مُصطَفىٰ وارو:

(١) څوك چه د سَحَر لـمونځ ادا كړي او ذِكرُ الله كوي تر دے چه د لـمر سترګه اوچته شوه بيا ئې دوه رَكعاته اوكړل نو هغه ته به د پوره حج او عُمرے ثواب حاصليږي. (سُنَنِ تِرمِذى شريف ج٢  ص١٠٠، حديث٥٨٦) (٢) څوك چه د سَحَر د لـمانځه نه فارِغ كيدو نه پس په خپله مُصَلّه كښې (يعني كوم ځائے ئې چه لـمونځ كړے وي هُم هغه ځائے كښې) ناست اوسي تر دے چه د اِشراق نفلونه اوكړي، صرف خير وائي نو د هغه ګناهونه به اوبخښلے شي اګر كه د سمندر د زګونو نه هم زياتې وي. (سُنَنُ اَبِـی داوٗد، ج٢، ص٤١، حديث١٢٨٧)

(٣) د حضرتِ سيِّدُنا اَبُو هُرَيره رَضِىَ اللهُ تَعَالٰی عَـنْهُ نه رِوايت دے چه حُضُورِ پاك صاحِبِ لولاك صَلَّى اللهُ تَعَالٰى عَلَيْهِ وَاٰلِهٖ وَسَلَّم فرمائيلي دي: څوك چه د څاښت دوه ركعاته لـمونځ پابندئ سره كوي د هغه ګناهونه معاف كړے شي اګر كه د سمندر د زګونو هُمره وي.“ (سُنَنِ اِبْنِ ماجه ج٢ ص١٥٣،١٥٤ حديث ١٣٨٢)

     هُم دغسے په دے مباركه مياشت كښې دا كوشش كول هُم پكار دي چه مونږه د اَوّابِين نفلونه هُم ادا كړو، حضرتِ سيِّدُنا اَبُو هُرَيره رَضِىَ اللهُ تَعَالٰی عَـنْهُ نه رِوايت دے چه د نبيانو